Rusia mund të tërhiqet nga Stacioni Ndërkombëtar i Hapësirës në 2025 dhe të nisë strukturën e saj lidhur me shqetësimet se ISS po bëhet shumë e pabesueshme, thotë Roscosmos.
Dmitry Rogozin, shefi i agjencisë ruse të hapësirës tha se puna ka filluar tashmë në modulin e parë të një stacioni të ri, që pritet të shkojë në orbitë në fillim të vitit 2025.
Një zyrtar i lartë i Kremlinit paralajmëroi se 'katastrofa' po afronte për ISS, duke vënë jetën e anëtarëve të ekuipazhit në rrezik për shkak të moshës së tij, deri në vitin 2025 do të jetë 27 vjeç dhe u krijua fillimisht për të zgjatur midis 15 dhe 30 vjet, sipas NASA. Rusia ka shpërndarë imazhe dhe video të modulit të parë që do të përbëjë një pjesë thelbësore të bazës së saj të re orbitale hi-tech, e cila pritet të përfshijë një hotel turistik.
ISS përbëhet nga 16 module, përfshirë katër të ndërtuara dhe të financuara nga agjencia ruse e hapësirës, ​​nëntë nga SH.B.A, 2 nga Japonia dhe një nga Evropa. Ka bisedime për module ekstra tregtare që do të shtohen në stacion në të ardhmen, përfshirë një të propozuar nga partneri aktual komercial i NASA Axiom Space.
Roscosmos konfirmoi se stacioni i tij i ri hapësinor do të përbëhej nga pesë module, duke përfshirë një 'modul tregtar që mund të strehojë katër turistë'. ZV.kryeministri rus Yuri Borisov tha se ISS në plakje po bëhet shumë i pasigurt dhe rrezikon pasoja serioze, duke shtuar se ne nuk mund të rrezikojmë jetën e ekuipazhit.
Bisedimet janë duke u zhvilluar me pjesëmarrësit e saj ndërkombëtarë duke përfshirë SH.B.A. dhe Rusinë në lidhje me përdorimin e stacionit pas 2024 por Moska tashmë po ndërton objektin e saj. Stacioni i ri hapësinor rus do të bashkohet me një tjetër në ndërtim nga Kina i njohur si Stacioni Hapësinor Modular i Madh Kinez.
