Jo vetem Covid, ne Indi perhapet infeksioni i rrezikshem
Një rritje në raste të rralla të një infeksioni potencialisht vdekjeprurës 'të kërpudhave të zeza' në pacientët me Covid është raportuar në Indinë e shkatërruar nga virusi.
Zyrtarët në vend thanë që mjekët që trajtojnë pacientët me koronavirus, si dhe diabetikët dhe njerëzit me problem me imunitetin duhet të ndërgjegjësohen për simptomat.
Sëmundja, e cila mund të çojë në nxirje ose ngjyrosje të hundës, vizion të paqartë ose të dyfishtë, dhimbje kraharori, vështirësi në frymëmarrje dhe kollitje të gjakut, është e lidhur fort me diabetin. Dhe diabeti nga ana tjetër mund të përkeqësohet nga steroid të tilla si dexamethasone, të përdorura për të trajtuar Covid të rëndë.
Simptomat e mukormikozës ose "kërpudhave të zeza" thuhet se përfshijnë dhimbje sinusi ose bllokim të hundës në njërën anë të fytyrës, dhimbje koke të njëanshme, ënjtje ose mpirje, dhimbje dhëmbi dhe rënie të dhëmbëve.
P Suresh, kreu i oftalmologjisë në Spitalin e Mumbai, tha se spitali i tij kishte trajtuar të paktën 10 pacientë në dy javët e fundit, afërsisht dy herë më shumë se në të gjithë vitin para pandemisë. Të gjithë kishin qenë të infektuar me Covid dhe shumica ishin diabetikë ose kishin marrë barna imunosupresive.
Disa kishin vdekur dhe disa kishin humbur shikimin, tha ai. Mjekë të tjerë folën për një rritje të ngjashme në raste. India nuk ka publikuar të dhëna kombëtare mbi mukormikozën por tha se nuk ka ndonjë shpërthim të madh.
