Bota rrezikon te tejkaloje limitin e temperaturave
Një rritje e rrezikshme e temperaturave globale mbi kufirin 1.5C (2.7F) të vendosur nga OKB mund të ndodhë në vetëm pesë vjet, paralajmërojnë shkencëtarët.
Ka një shans prej 40% që ngritjet vjetore të temperaturës të shkojnë përtej nivelit të përcaktuar nga Marrëveshja e Parisit 2015, rënë dakord nga 196 vende.
Raporti i botuar nga Organizata Botërore Meteorologjike gjithashtu paralajmëron për një gjasë shumë të lartë, një shans prej 90%, që të paktën një vit midis 2021 dhe 2025 të bëhet më i ngrohti i regjistruar, duke tejkaluar nxehtësinë rekord të 2016. Temperaturat mesatare globale prej 1.5C mbi nivelet e shekullit 19 shihen si një prag përtej të cilit do të ndihen ndikimet më të rrezikshme të ndryshimit të klimës.
Shkencëtarët paralajmërojnë që temperaturat që rriten mbi 1.5C (2.7F) do të çojnë në më shumë valë nxehtësie, stuhi ekstreme shiu, mungesa uji dhe thatësira, humbje më të mëdha ekonomike dhe rendimente më të ulëta të kulturave, nivele më të larta të detit dhe shkatërrim të shkëmbinjve nënujorë koralesh.
Në vitin 2020, temperatura mesatare globale ishte 1.2C (2.16F) mbi nivelet para-industriale, duke e bërë atë midis tre viteve më të nxehta të regjistruara. Sekretari i përgjithshëm i WMO tha se rritja e temperaturave çon në akull më të shkrirë, gjë që çon në nivele më të larta të detit.
Ndryshimet në nivelet e detit dhe akullit mund të çojnë në më shumë valë të nxehtësisë dhe ngjarje të tjera ekstreme të motit duke shkaktuar një 'ndikim më të madh në sigurinë ushqimore, shëndetin, mjedisin dhe zhvillimin e qëndrueshëm' në të gjithë botën.
