Zbulohet data e eventit prezantues te Apple

Apple më në fund mund të zbulojë syzet e saj të realitetit të shtuar (AR) në Konferencën e saj vjetore Worldwide Developers (WWDC 2021) javën e ardhshme.

Konferenca, e cila po mbahet në internet për të dytin vit radhazi për shkak të pandemisë së koronavirusit, zgjat nga 7 deri në 11 qershor. Apple do të zbulojë një sërë produktesh të reja hardware, si dhe azhornimin e saj kryesor vjetor të softuerit, i transmetuar drejtpërdrejt nga selia e saj në Apple Park në Cupertino, California. Këtu keni një vështrim në të gjitha njoftimet e mundshme që pritet të bëhen në WWDC 2021.

Syzet AR 

Kur Apple konfirmoi datën e WWDC 2021 në fund të Marsit, ajo ndau një imazh intrigues që lë të kuptohet se syzet AR të shumë përfolura u njoftuan më në fund. Imazhi tregon një karakter memoji i veshur me një palë syze, të cilat kanë një reflektim të një laptopi në lentet. Syzet AR, të quajtura thjesht ‘Apple Glasses’, thuhet se nuk janë syze dielli por syze normale që shfaqin një ndërfaqe në brendësi të lentes, jo ndryshe nga ajo që përshkruhet në imazhin promovues të Apple. Apple Glasses do të ketë sistemin e vet operativ të quajtur 'Starboard' sipas Prosser. 

iOS 15

Apple zbulon një azhornim të ri të softuerit në WWDC çdo vit, i cili del në treg vjeshtën e ardhshme, kështu që iOS 15 është e sigurt që do të shpallet javën tjetër. Sipas Bloomberg, Apple është 'duke përgatitur një ndryshim të madh të softuerit të saj celular' për iOS 15, i cili do të dalë në kohë për iPhone-in e ardhshëm të Apple (me gjasë të quhet iPhone 13). Ndryshimet e dukshme për iOS 15 do të jenë një Lock Screen i azhurnuar dhe 'mbrojtje shtesë të privatësisë', tha Bloomberg. 

AirPods

Apple mund të zbulojë gjeneratën e tretë AirPods, kufjet wireless Bluetooth që vijnë me kutinë e tyre të karikimit. Për gjeneratën e tretë, Apple po punon në AirPods më të volitshëm 'të nivelit të hyrjes'. Apple tashmë po i shtyn konsumatorët drejt AirPods. iPhone 12, i lëshuar tetorin e kaluar, nuk përfshinte një palë EarPods në kuti, ndryshe nga paraardhësit e tij, duke nxitur zemërim nga disa blerës.

MacBook Pro

Prosser gjithashtu ka pohuar se Apple do të prezantojë dy modele të reja të gjeneratës së gjashtë MacBook Pro në WWDC 2021, një me ekran 14 inç dhe një tjetër me ekran 16 inç, dhe të dy mundësuar nga çipat M1 të vetë Apple. Sipas MacRumors, do të ketë një sistem termik të ridizenjuar për të akomoduar M1 chips, një port HDMI dhe një lexues të kartave SD.

Më të lexuarat