iPhone 15 Pro pritet te mos kete karten fizike SIM
iPhone 14 është me muaj larg lancimit, por thashethemet lidhur me iPhone 15 tashmë qarkullojnë në internet, ku thuhet se Apple do largojë kartën fizike SIM.
Këto thashetheme qarkullojnë pasi bllogu brazilian Blog do iPhone, raportoi se në vitin 2023 modelet Pro (iPhone 15 Pro) nuk do të ketë port për kartë fizike SIM dhe se gjithçka do të mundësohet përmes lidhje me teknologjinë eSIM.
Burime të këtij bllogu pretendojnë se këta iPhone do të kenë përkrahje për dy eSIM, duke lejuar përdoruesit të kenë dy linja telefonike të njëjtën kohë.
Megjithatë mbetet e paqartë nëse modelet jo Pro do të varen gjithashtu nga teknologjia eSIM, apo do të vazhdojnë me përdorimin e porteve për karta fizike SIM.
Planet e Apple për largimin e porteve për kartat SIM nuk do të ishin ndonjë befasi e madhe, pasi gjiganti amerikan prej kohësh është zotuar se do të largoj të gjithë portet në iPhone, kështu ai i kartës SIM është hapi i radhës.
