Samsung prezanton 3 pajisje te palosshme ne CES 2022
Kompania koreano-jugore debutoi disa pajisje të reja të palosshme në CES 2022, telefona inteligjentë dhe laptopë që kanë një dizajn në formë S ose G.
Dizajni 'S' përmban tre panele që palosen për të krijuar një pajisje më të madhe të ngjashme me tabletin, ndërsa 'G' paloset nga brenda nga të gjitha anët, duke ju lejuar ta ruani pajisjen pa gërvishtur ekranin.
Gjatë një prezantimi në CES, Samsung shfaqi Flex Note që nga një tablet 13-inç kaloi në 17 inç kur u zgjerua plotësisht, dhe smartfonin Flex Slidable me një ekran që shtrihet anash.
Samsung tashmë ka një smartphone të palosshëm në treg - Galaxy Z - që fillon nga 1,799 dollarë. Kompania tregoi aftësitë e saj në prodhimin e pajisjeve të tilla gjatë CES të këtij viti me pajisje të reja konceptuale.
Flex S është një konfigurim me tre palosje që hapet në formën 'S', duke lejuar një zgjerim të konsiderueshëm të ekranit.
Paneli Flex G, i cili gjithashtu ka tre panele, përmban një palosje nga brenda që ofron më shumë mbrojtje për ekranin dhe lejon që pajisja të jetë më e lëvizshme pasi mund të paloset dy herë.
Flex Note është një laptop prototip që mund të shndërrohet në një monitor më të madh kur shpaloset. Flex Slidable përmban një ekran të fshehur që lëshohet me një shtytje të një fundi në këndin e sipërm majtas.
