Firma italiane e arkitekturës Fuksas ka përfunduar një rrokaqiell në Shenzhen, një qytet kinez i cili gjatë tre dekadave të fundit është bërë një metropol global.
Projekti, i quajtur “Guosen Securities Tower’, ndodhet në distriktin qendror të Shenzhen, me akses të lehtë të siguruar falë një stacioni të metrosë ngjitur. Pjesa e jashtme e ndërtesës karakterizohet nga një zbrazëti tredimensionale që shtrihet në lartësinë e plotë të kullës.
“Dizajni i formës së zbrazët eksploron lidhjen midis podiumit dhe seksionit vertikal të kullës me hapësirën diagonale dhe flukset që krijojnë një tension vertikal në lartësinë e plotë të kullës”, shpjegojnë arkitektët.
Për të theksuar konceptin e zbrazëtisë, fuksas projektoi mbështjellësin prej xhami të ndërtesës për të qenë sa më racional.
Kjo lojë mes të ngurtave dhe boshllëkut vazhdon nga brenda, ku hapësirat e ndryshme në atriumin e fasadës janë projektuar në përgjigje të kontekstit urban, duke krijuar kështu pamjet dhe dukshmërinë më të mirë.
Një sekuencë lidhjesh diagonale në atrium lidh hollin kryesor (kati 1), hollin e zyrës me qira në fasadën perëndimore (kati 12), hollin e kompanisë në fasadën lindore (kati 27) dhe kopshtin e çatisë (kati 43).
Zbrazëtia që përshkon ndërtesën lart është konceptuar si një "vertical piazza" që shërben si një hapësirë ​​për shkëmbimin shoqëror.
