Korea e Jugut do ndertoje qytetin e pare lundrues ne bote
Ideja e një qyteti lundrues mund të tingëllojë e pabesueshme, por do bëhet realitet në Busan, ku shkencëtarët e mbështetur nga OKB po ndërtojnë prototipin e parë në botë.
Projekti, i quajtur OCEANIX, u njoftua vitin e kaluar, por imazhet e reja të dizajnit tani janë zbuluar. Ato tregojnë sesi platformat e ndërlidhura do të mbulojnë gjithsej 15.5 hektarë, me hapësirë të mjaftueshme për të akomoduar 12,000 njerëz.
Ndërtimi i qytetit lundrues vlerësohet të kushtojë 200 milion dollarë dhe pritet të përfundojë deri në vitin 2025. Projekti synon të ndihmojë njerëzit që jetojnë në zonat bregdetare, komunitetet e të cilëve janë në rrezik për t'u zhdukur mes rritjes së nivelit të detit.
Qyteti do të ndahet në lagje të ndryshme – duke përfshirë banimin, kërkimin dhe akomodimin – të mbuluar me ndërtesa të ulëta.
Të gjitha strukturat e ndërtuara në qytet do të mbahen nën 7 kate për të krijuar një qendër të ulët graviteti dhe për t'i rezistuar erës, sipas Oceanix.
