LG ka shfaqur televizorin OLED më të madh në botë me një ekran 97 inç, afërsisht sa një krevat dopio.
Televizori OLED evo Gallery Edition do jetë i disponueshëm në fund të vitit. Firma koreane tha se do të sigurojë përvoja gjithëpërfshirëse shikimi në një shkallë të madhe kur të dalë, ku mendohet të jetë në kohë për Kupën e Botës.
Firma ende nuk ka zbuluar një çmim për ekranin e super gjigand, megjithëse thuhet se është më shumë se 20,000 paund.
Televizorët OLED përdorin pikselë të vetëndriçuar që mund të ndizen dhe fiken individualisht për të riprodhuar 'të zeza perfekte dhe ngjyra tepër natyrale'.
Por LG e përshkruan këtë televizor të ri si 'OLED evo', i cili në thelb është një term i krijuar nga kompania koreane për t'iu referuar një ekrani OLED me ndriçim të zgjeruar.
Televizori i madh, i cili është projektuar për t'u montuar në mur, është pjesë e linjës së televizorëve G2 të LG, të cilat bazohen në teknologjinë e ekranit OLED me rezolucion 4K dhe dizajn të sheshtë.
Ai gjithashtu ka 'teknologji të avancuara të përpunimit të imazhit të bazuara në AI' për të ofruar imazhe të gjalla dhe një përvojë shikimi gjithëpërfshirëse dhe kinematografike.
