Apple duhet te ndryshoje karikuesin e iPhone brenda 2024
Si një goditje për Apple, BE ka miratuar një ligj që do t'i bëjë të detyrueshme portat e karikimit USB-C në të gjithë telefonat, tabletët dhe pajisjet e tjera elektronike.
I miratuar nga Parlamenti Evropian në Strasburg të martën, ligji do detyrojë Apple të ndalojë shitjen e iPhone me karikuesin aktual, në vendet e BE.
Në vend të kësaj, ai do t'i bëjë karikuesit USB-C, aktualisht të përdorur nga pajisjet me bazë Android, standardin e BE, duke e detyruar Apple të ndryshojë portën e karikimit në produktet e saj të reja.
Ligji, i cili hyn në fuqi në 2024, prek vetëm vendet e BE. Por në tregjet evropiane si Irlanda, Franca dhe Gjermania, Apple do të duhet të kalojë në USB-C, me gjasë duke filluar me iPhone 15, i cili do të dalë vitin e ardhshëm.
Ligji mbulon jo vetëm telefonat, por edhe tabletët, lexuesit elektronikë, kufjet, kamerat dixhitale, konzolat e video lojërave dhe altoparlantët portativë.
Laptopët gjithashtu janë të mbuluar, por prodhuesit do të kenë kohë shtesë për të përmbushur (deri në 2026). Pajisjet e reja të shitura në vendet e prekura nga viti 2024 do të duhet të jenë USB-C.
