Firma italiane e dizajnit të automjeteveBertone ka zbuluar GB110, hipermakina e parë në botë që mund të funksionojë me karburant të bërë nga mbetjet plastike.
E ndërtuar për t'i dhënë përparësi performancës së lartë dhe dizajnit të hijshëm, makina inovative kombinon linjat rrjedhëse dhe forma moderne me 1100 kuaj fuqi dhe 1100 Nm çift rrotullues maksimal.
Me vetëm 33 njësi që pritet të dalin në treg, automjetet e edicionit të kufizuar premtojnë shpejtësi maksimale, ergonomi pioniere dhe rehati superiore, ndërsa përcjellin një dhunti artistike në çdo kthesë.
Ndoshta veçoria më unike e BG110 e Bertone është se është projektuar për të djegur karburantin e bërë nga mbeturinat plastike, siç u përmend më parë.
Për të arritur këtë, firma italiane e projektimit ka bashkëpunuar me Select Fuel, një kompani që ka zhvilluar një teknologji të patentuar për të kthyer materialet polikarbonate në lëndë djegëse të rinovueshme.
Automjeti i sapo zbuluar nuk është projektuar vetëm për performancë të lartë, por gjithashtu i jep një theks të veçantë estetikës së tij, duke i bërë homazh modeleve novatore të Bertone të viteve 1950 dhe 1970.
