Bentley po nderton kullen e pajisur me ashensore makinash
Sieger Suarez Architects publikoi pamjet e ashensorit që do ti lejojë banorët të drejtojnë makinat direkt në apartamente në të gjitha katet e kullës 61-katëshe në Miami Beach.
Bentley Residences është një projekt i përbashkët midis Sieger Suarez Architects, Bentley dhe Dezer Development. SSA doli me konceptin për ashensorin e makinës, i cili më pas u patentua nga Dezer Developments me emrin "Dezervator".
Çdo njësi e rrokaqiellit 228 metra do të ketë një garazh me tre ose katër makina të bashkangjitur drejtpërdrejt në të, i cili mund të arrihet nga një nga 4 ashensorët që aksesohen nga kati përdhes.
"Gjëja unike e "Dezervator" është se ju çon në katin tuaj në makinën tuaj dhe ndërlidhet me dyshemenë e garazhit pas mbërritjes." Automjetet e banorëve do pajisen me ngjitëse RFID që regjistrohen përmes një sistemi skanimi.
Sistemi më pas do t'i drejtojë drejtuesit e mjeteve nëpërmjet një sërë dritash në ashensorin e duhur, i cili do t'i çojë ata direkt në apartamentet e tyre.
Garazhet do pajisen me stacione karikimi për EV, si dhe me depo shtesë, dhe ashensorët do të jenë në gjendje të rrotullojnë automjetet në varësi të cilës skaj duhet të aksesohet.
Rrokaqiell është projekti i parë rezidencial nga prodhuesi britanik i automjeteve dhe pritet të përfundojë në 2026. Struktura e ndërtesës është në formë ovale dhe apartamentet individuale kanë gjithashtu forma ovale.
