Google sjell se shpejti Pixel Fold, telefonin me palosje
Google ka publikuar një video zyrtare të smartfonit të tij të parë të palosshëm, Pixel Fold.
Një video tregon pajisjen e hijshme dhe të argjendtë e cila hapet si një libër me një menteshë vertikale dhe ka një grup kamerash në anën e pasme që është i ngjashëm me pajisjet e tjera Pixel.
Gjiganti i teknologjisë nuk ka publikuar ende ndonjë detaj teknik apo çmim, pasi njoftimi i plotë do të vijë më 10 maj gjatë konferencës së zhvilluesve, Google I/O.
Kjo vjen vetëm një javë pasi pamjet u publikuan në Twitter të një prototipi të supozuar të Pixel Fold, i cili duket shumë i ngjashëm me atë në videon zyrtare.
Pixel Fold do të hapet si një libër për të zbuluar një ekran të vogël 7.6 inç me madhësi tabletë, ndërsa ekrani më i vogël i jashtëm do të jetë 5.8 inç i gjerë.
Nga videoja, pjesa e përparme duket se ka një ekran me madhësi të plotë që arrin skajet e pajisjes, si në telefonat inteligjentë që nuk palosen, por ekrani i brendshëm ka një kornizë të hollë rreth e qark jashtë.
