Apple rrit vleren ne treg, arrin mbi 3 trilione dollare
Vlera e Apple ka kaluar sërish 3 trilion dollarë (2.3 trilion £) duke forcuar pozicionin e saj si kompania më e pasur në botë.
Aksionet e gjigantit të teknologjisë arritën një rekord prej 193 dollarësh në tregtimin dje në Wall Street, ndërsa vazhduan një marshim rritës të aksioneve me 54 për qind deri më tani këtë vit.
Kjo do të thotë se tani vlen 3.04 trilion dollarë, më shumë se vlera e kombinuar e kompanisë mëmë Google Alphabet dhe Amazon, të cilat vlerësohen respektivisht në 1.5 trilion dhe 1.3 trilion dollarë.
Prodhuesi i iPhone ishte kompania e parë në botë që arriti një vlerë prej 1 trilion dollarësh në 2018, më pas dy vjet më vonë u bë e para me vlerë 2 trilion dollarë. Në fakt, shifra historike e vendos vlerësimin e Apple si më pak se PBB e MB (3.07 milionë dollarë).
Apple arriti shifrën prej 3 trilion dollarësh për pak kohë vitin e kaluar derisa pushtimi rus i Ukrainës shkaktoi rënie të tregjeve globale të aksioneve.
Por ai u rikuperua fuqishëm këtë vit, i ndihmuar nga blerjet e mëdha, një proces me të cilin një firmë blen aksionet e veta për të ulur totalin, duke rritur çmimin e aksioneve të mbetura.
