9 ishuj te bukur greke qe nuk i keni degjuar me pare

Tani është koha për të udhëtuar në Greqi. Vendi po kalon një krizë ekonomike, por shumë turistë shprehen se kjo nuk i ka ndaluar ata që të udhëtojnë drejt këtij shtepi. Madje mund të përfitoni nga cmimet e ulta dhe ofertat joshëse. Greqia ka 1,400 ishuj, edhe pse vetëm 230 prej tyre janë të banuara.

Dhe ndërsa të gjithë dimë  të flasim për Santorinin dhe Mykonos, ka ishuj  të tjerë të mrekullueshëm, por më pak të njohur. Mëposhtë  ju kemi renditur 9 ishuj grekë të pabesueshëm që me shumë mundësi nuk keni dëgjuar për to.

Folegandros

Shpesh e vënë në hije nga fqinji i tij Santorini, Folegandros ju ofron një arratisje nga kaosi i ishujve grekë më të njohur. E vendosur në faqen e një shkëmbi me një pamje dominuese në det, ishulli nuk ofron shumë për sa i takon atraksioneve – por këtë e kompenson me tërheqen lokale. Vizitorët do të kenë mundësi të eksplorojnë plazhet e pakontaminuara, gatimet tradicionale, dhe të kaloni netë të qeta buzë shkëmbinjve që përqafohen nga perëndimi i diellit. Nëse shumë fshatra të ishujve Cicladi janë të bukur, ky është edhe më i bukur. Folegandros është një fshat mjaft piktoresk me shtëpi ta bardha, persiane, që e marrin ngjyrën e qiellit dhe të lumit dhe dritaret e stolisura me lule. Gjithashtu, aty vërehen edhe kisha të vogla ortodokse.

Alonissos

Alonissos është pjesë e Ishujt Sporades të Greqisë dhe ka mjedisin më të egër natyror të grupit. Në ujërat përreth ishullit ka specie të rralla, dhe për këtë arsye, ishull dhe ujërat e tij përreth janë të shpallura mjedis natyror i mbrojtura. Plazhet në Alonissos janë të habitshme, me rërë të pastër ose dhe ujërat të kristaltë smeraldi dhe jeshile.

Spetses

Kjo parajsë boheme është më Côte d'Azur se ishulli  i Greqisë së Lashtë. Spetses ishte tepër i njohur kur priti në vitet  '60, Marilyn Monroe dhe Elizabeth Taylor.  Sot aty do të gjeni gjithcka, hotele fantastike, dyqane dhe pallate stravagante si dhe jahte luksoze. Përveç një pjesë të vogël të kabinave në nivel lokal në pronësi, në ishullin rreth 6.5 kilometra të gjatë, makinat janë të ndaluara duke i dhënë ishullit një frymë të shekullit të 19 me kuaj dhe karroca, duke bërë cdo gjë edhe më madhështore.

Amorgos

Deti i thellë blu dhe perëndim i kuq flakë, i shoqëruar nga natyra e egër, shtëpitë tradicionale dhe atmosfera që dhuron paqe dhe qetësi. Amorgos, është një ishull i veçantë dhe përrallor në Greqi, ku gjithçka duket sikur nuk ka ndryshuar, bota mondane është larg dhe ditët kalohen në mënyrë relaksuese dhe në natyrë. Në ishullin e Amorgos, gjatë ditës turistët dhe banorët e zonës shoqërohen nga anije shumëngjyrëshe peshkatarësh dhe nga dyqane tipike të mbushura me objekte artizanale, ndërsa tavernat dhe lokalet i japin gjallëri vendit. Ndërsa në mbrëmje shëtitjet në port shoqërohen me një romanticitet dhe me kafenë e pirë në një lokal tipik , i cili është i dekoruar me fotografi të vjetra, aroma kafejë, raki rrushi, uzo dhe stika. Ndërsa në Chora, vizitorët magjepsen nga ndërtesat tipike me të bardha, të cilat i japin bregut një pamje përrallore. Ajo që bie në sy në këtë ishull është perëndimi i diellit, i cili e vesh detin me një mantel të kuq përrallor që të fut në një botë ëndrrash.

Syros

Ishulli i Siros konsiderohet "zonja" e Cikladeve dhe jo pa të drejtë. Atje cdokush sheh të bashkëjetojnë në mënyrë harmonike dhe emocionuese, elementi tradicional me atë kozmopolitan, elementi mesjetar me atë bashkëkohor, elementi cikladik me atë neoklasik, tradita universale historike me atë ortodokse.Siros është një muze i gjallë i kulturës, një "kapsulë e kohës" që e kalon vizitorin nga një periudhë në tjetrën. Me një popullsi prej rreth 20.000 banorë, është ishulli më i populluar i Cikladeve. Është një nga ishujt e vetëm në Greqi, ku të krishterët e dy dogmave, katolikë dhe ortodoksë bashkëjetojnë në harmoni prej shekujsh. Me një këmbë në Perëndim e një tjetër në Ballkan e në Lindje, Siros i ofron vizitorit të tij mjaft vende të bukura e me interes për t’i vizituar. Ishulli mund të vizitohet në të gjitha stinët e vitit, pasi është një destinacion ideal për një fundjavë të ndryshme dimërore, apo për një udhëtim në pranverë. Vend atraktiv për të argëtuar, për shëtitje, por edhe për shumë aktivitete të tjera gjëra interesante.

Milos

Ishulli Milos është vendi , ku u gjet i famshmi Venus i Milos që sot ruhet në muzeun e Luvrit. Ishulli pëlqehet për ngjyrat e shumta, plazhet me rërë, shkëmbinjtë të madhësive të ndryshme dhe mullinjtë me erë që gjenden në Trypiti. Asnjë nga ishujt cikladik nuk kanë larminë dhe bukurinë e plazheve të ishullit. Disa plazhe me rërë të bardhë, të tjera me shkëmbinj të bardhë, të gjitha i ofrojnë turistëve një përvojë të veçantë.

Hydra

Ishulli grek Hydra, në juglindje të Peloponezit ka një histori të gjatë shkruar me gjuhën, zakonet dhe bëmat e arvanitëve, një histori për të cilën krenohen fort hydriotët dhe grekët përgjithësisht.Tani është një ishull grek veçantia e të cilit, veç bukurisë dhe shtëpive të bardha si nuse zamani, karakteristike për shumë ishuj grekë, janë mushkat që presin në molin e ishullit të marrin turistët nëpër shtëpitë me qera në rrugët e ngushta që qarkojnë fshatin duke iu ngjitur drejt malit. Aty do të gjeni gjithcka, ushqim të shijshëm, plazhe të kristalta dhe një pamje magjepsëse.

Ithaca

Ky ishull është shtëpia e një figurë të shquar  të Homerit "Odisea", thuhet se Ithaca ka qenë e banuar që prej mijëvjeçarit të 2 para Krishtit. E përbërë nga dy ishuj, të cilët u bashkuan me një rrip të ngushtë toke, shumë vinë këtu për të parë faqet legjendare të përmendura nga Homeri. Megjithatë, Ithaca është më shumë se homologu i saj mitik, pasi plazhet e izoluara, shkëmbinjtë dramatike, ullishtet e bukura që mbulojnë kodrat  dhe fshatrat e përgjumur me kisha dhe manastire bizantine të jep një ndjesi të mrekullueshme.

Gavdos

Gavdos ndodhet pranë Kretës dhe është ishulli më jugor në Greqi - dhe vendi më jugor në Evropë. Ishulli është i arritshëm vetëm nga anije, dhe ka vetëm 50 banorë të përhershëm. Sipas legjendës lokale, ky ishull është shtëpia e perëndeshës Calypso e cila u burgos nga Odisea. Sot, një aktivitet i preferuar turistik është vendi që besohet të jetë shpella e saj. Këtu ju nuk do të gjeni ndonjë hotel luksoze, por do të jeni një me natyrën dhe peisazhet e mrekullueshme që ajo të ofron.

Më të lexuarat