Ja si do te dukej bota nese nuk do te kishte njerez!
Në një botë pa njerëz, pjesa më e madhe e Evropës veriore ndoshta tani do të ishte shtëpi për krijesa të tilla si ujqër, arinj dhe elefantë. Kjo është sipas një studimi të ri që argumenton se, nëse njerëzit nuk do të kishin prishur ekosistemin, shumica e botës do ti ngjante Parkut Kombëtar të Serengetit në Tanzani.
Si pjesë e hulumtimit, shkencëtarët kanë publikuar edhe një hartë të botës ku do të mund të jetonin kafshët, nëse njerëzimi nuk do të kishte ekzistuar. Studiuesit në Danimarkë pretendojnë se një botë pa njerëz, do ti ngjajë Serengetit, park ku jetojnë kafshë të ndryshme. Hulumtimi vjen nga Universiteti Aarhus në Danimarkë dhe tregon se fakti që në Afrikë ka një dendësi të lartë të gjitarëve, tregon se aktivitetet e njeriut në këtë pjesë të globit kanë qënë më të pakta.
Ekipi është bazuar për rezultatet e tyre, në vlerësimet e shpërndarjes natyrore të çdo specie sipas ekologjisë se saj dhe zonës aktuale natyrore. “Evropa veriore është i vetmi vend në të cilën njerëzit e kanë reduktuar larminë e gjitarëve – por ky është një fenomen në të gjithë botën”, thotë Profesor Jens-Christian në Universitetin Aarhus. “Dhe, në shumicën e vendeve, ka një deficit shumë të madh në diversitetin e gjitarëve në lidhje me atë që natyrisht duhet të kishte qenë”.
Harta e tanishme botërore e gjitarëve tregon se Afrika është praktikisht i vetmi vend me një diversitet të lartë të gjitarëve të mëdhenj. Megjithatë, harta e ndërtuar nga hulumtuesit në këtë studim tregon shpërndarjen shumë më të madhe dhe diversitetin e lartë të gjitarëve.
Në veçanti, ajo zbulon nivelet veçanërisht të larta në Amerikën Veriore dhe Jugore - zona që janë aktualisht relativisht të varfëra me gjitarë të mëdhenj. Shumica e safareve sot zhvillohet në Afrikë, por në rrethana natyrale, për shkak të shumëllojshmërisë së madhe të kafshëve. Ekzistenca e shumë llojeve në Afrikë, nuk është vetëm për shkak të klimës optimale dhe mjedisit, por sepse Afrika është i vetmi vend ku ende nuk janë zhdukur nga njerëzit.
“Niveli aktual i lartë i biodiversitetit në zonat malore është pjesërisht për shkak të faktit se malet kanë vepruar si një strehë për speciet. “Një shembull në Evropë është ariu i murrmë, i cili tani praktikisht jeton në rajonet malore”. Hulumtuesit pohojnë se nëpërmjet këtij studimi mund të sigurojnë një bazë të rëndësishme për restaurimin dhe konservimin e natyrës.
