15 vendet ku njerezit jetojne me te gjate

Forumi Ekonomik Botëror (WEF) ka publikuar raportin global të konkurrueshmërisë, duke zbuluar jo vetëm shëndetin financiar të vendeve të botës -  por gjithashtu edhe shëndetin e popullsisë. WEF rendit vendet në aspektin e jetëgjatësisë mesatare, duke treguar se ku njerëzit jetojnë më gjatë.

Sa më i zhvilluar të jetë një vend, aq më shumë ka të ngjarë që të ketë një jetëgjatësi më të madhe, për shkak të qasjes në një nivel të lartë të kujdesit shëndetësor, si edhe në dieta të shëndetshme. Megjithatë, ajo që është më interesante, është se disa nga vendet e listuara kanë një jetëgjatësi më të ulët jetese se sa pritej dhe kjo për shkak të rritjes se çështjeve të lidhura me shëndetin mendor që cojnë në vetëvrasje. WEF rendit në top 10-shen rreth 15 vende, në të cilat popullsia ka një mesatare të konsiderushme jetëgjatësie. Nëse dëshironi të kuptoni pse njërëzit jetojnë kaq gjatë në këto shtete, i hidhni një sy listës së mëposhtëme!

Koreja e Jugut - Jetëgjatësia mesatare 81.4 vjet. 

Jetëgjatësia në vend është rritur gjatë viteve të fundit për shkak të përmirësimit të ekonomisë dhe rritjes së klasës së mesme. Megjithatë, OECD paralajmëron se ndotja është ende shumë e lartë krahasuar me vendet e tjera anëtare.

Luksemburgu - Jetëgjatësia mesatare 81.4 vjet. 

Vendi ka një popullsi të vogël në krahasim me pjesën tjetër të Evropës, por ka të ardhura të larta për frymë - që do të thotë se qasja në një dietë të shëndetshme dhe në një kujdes shëndetësor më të mirë është shumë e lehtë.

Norvegjia - Jetëgjatësia mesatare 81.5 vjet. 

Jetëgjatësia në Norvegji është rritur në mënyrë të qëndrueshme gjatë dekadave të fundit, në sajë të reduktimit të vdekshmërisë foshnjore. Kombi gjithashtu ka një shkallë të lartë të njerëzve aktiv në moshën e vjetër.

Britania e Madhe - Jetëgjatësia mesatare 81.5 vjet. 

Britania ka një nga nivelet më të larta të obezitetit në Evropën Perëndimore. Megjithatë, përzierja e kujdesit të mirë shëndetësor, atij shtetëror dhe privat, ka ndihmuar në rritjen e jetëgjatësisë së popullsisë në këtë shtet.

Suedia - Jetëgjatësia mesatare 81.7 vjet.

Suedezët jetojnë dy vite më gjatë se mosha mesatare në të gjitha vendet e OECD. Forumi vuri në dukje cilësinë e lartë të ujit, e cila ka kontribuar në një komb me të shëndetshëm.

Izraeli - Jetëgjatësia mesatare 81.7 vjet. 

Burrat nga Izraeli kanë një nga normat më të larta të jetëgjatësisë në botë, pavarësisht shërbimit të detyrueshëm ushtarak. Megjithatë, Zyra Qendrore e Statistikave vuri në dukje se këtë vit jetëgjatësia në Jeruzalem në krahasim me qytetet e tjera ishte më e shkurtër se mesatarja për shkak të numrit në rritje të incidenteve të dhunshme gjatë dy viteve të fundit.

Australia - Jetëgjatësia mesatare 82.1 vjet. 

Organizata Botërore e Shëndetësisë thotë se rritja e jetesës së shëndetshme dhe përmirësimi shëndetësor në vend ka rritur jetëgjatësinë e njerëzve në Australi.

Singapori - Jetëgjatësia mesatare 82.1 vjet. 

Jetëgjatësia në vend është rritur gjatë 30 viteve të fundit, në sajë të nivelit të lartë të kujdesit shëndetësor, atij parandalues dhe terapeutik.

6. Spanja - Jetëgjatësia mesatare 82.4 vjet. 

Spanja është e famshme për “ushqimin mesdhetar” të saj. Mjekët mjekët thonë se ky lloj ushqimi mund të kontribuojnë në një jetë të gjatë dhe të shëndetshme. Ushqimi është i mbushur me perime të freskëta dhe peshk, si edhe yndyrna të shëndetshme të tilla si vaj ulliri dhe arra.

5. Franca - Jetëgjatësia mesatare 82.6 vjet. 

Franca ka një nga normat më të ulta të obezitetit në mesin e vendet të OECD, të cilat kontribojnë në jetëgjatësinë e lartë të vendit.

4. Zvicra - Jetëgjatësia mesatare 82.7 vjet.

Mirëqënia në Zvicër bën që të ketë një kujdes shëndetësor të mirë dhe një dietë të shëndetshme në dispozicion. Gruaja më e vjetër që ka jetuar në Zvicër ishte Rein Rosa, e cila ka lindur në 1897 dhe vdiq në vitin 2010.  Ajo ka jetuar plot 112 vjet falë shërbimit shëndetësor dhe jetesës së mirë në Zvicër.

Islanda - Jetëgjatësia mesatare 82.9 vjet. 

Islanda ka “dietën më të mirë të botës”, sipas një votim nga dietologët. Sipas tyre këto dieta reduktojnë rrezikun ngs diabeti dhe sëmundjet e zemrës.

Italia - Jetëgjatësia mesatare 82.9 vjet. 

Sipas revistës së respektuar mjekësore ‘The Lancet” italianët kanë tendencë të jetojnë më gjatë, sepse nuk ka varfëri në vend. Kjo do të thotë se shumica e popullsisë janë të gjithë në gjendje për të të ngrënë ende ushqim të shëndetshëm dhe të freskët, e cila zakonisht është një luks për të varfërit.

Japonia - Jetëgjatësia mesatare 83.1 vjet. 

Tre vjet më parë, Japonia zuri vendin e dytë në renditje, dhe kjo për shkak të rritjes së numrit të vetëvrasjeve nga ana e popullsisë femërore. Megjithatë, jetëgjatësia në Japoni është e gjatë për shkak të një dietë të shëndetshme.

Hong Kongu - Jetëgjatësia mesatare 83.5 vjet. 

Revista të ndryshme mjekësore kanë vërejtur se tradita Kantoneze, angazhimi në artet jo-luftarake marciale, Tai Chi, i ndihmon në mënyrë të konsiderueshme njerëzit të mbeten aktive dhe të shëndetshëm në moshën e vjetër. Dieta rezidente e shumë ushqimeve në avull dhe konsumi i çajit ndihmon që njerëzit të mbajnë trupin në ekuilibër.

Më të lexuarat