Projekti i shekullit, Google krijon balonat qe do te shperndajne internet falas ne 2016

Google ka deklaruar se është në rrugën e duhur për krijimin e një rrjeti balonash në stratosferë që do të shpërndajnë internet falas në disa pjesë të botës vitin e ardhshëm.

Google tha se projekti i saj inovator i quajtur “Projekti Loon” është tashmë gati që të jetë funksional dhe ti ofrojë përdoruesve akses në internet përmes balonave. Numri i këtyre balonave që do të lëshohen në qiell do të jetë me qindra mijëra dhe do të fluturojnë kryesisht në ato rajone ku aksesi i internetit është tepër i vështirë për tu ofruar.

Për këtë projekt ambicioz ka disa vite që po punohet. Balonat do të jenë të afta të ofrojnë sinjal LTE në pajisjet e përdoruesve nga qindra metra lartësi. Sri Lanka ka nënshkruar një marrëveshje të veçantë për të sinjalizuar dëshirën e saj për të qënë pjesëmarrës në këtë skemë gjigande.“Si fillim na u deshën vetëm 3 apo 4 ditë për të ndërtuar një balonë të tillë. Sot përmes lehtësive në prodhim, sistemet automatike mund të arrijnë të prodhojnë një balonë të tillë në vetëm pak orë. Ndaj ne jemi shumë afër numrit të balonave që donim të ndërtonim fillimisht.”Momentalisht janë duke u kryer testime në rajone të ndryshme me ndihmën e kompanive të telekomunikacionit si Telstra në Australi, Telefonica në Amerikën Latine dhe Vodafone në Zelandën e Re. Google zbuloi planin e saj në qershor 2013, kur rreth 30 balona plastike u nisën nga Zelandën e Re.

 “Balonat që ne kemi pasur kanë zgjatur 187 ditë, në ditët e para, balonat zgjasin pesë, shtatë ose 10 ditë", ka thënë Mike Cassidy, nënkryetar i Projektit Loon . "Ne kemi nevojë për rreth 300 balona apo për më shumë për të bërë një varg të vazhdueshëm në mbarë botën," shpjegoi ai.
Sepse çdo tullumbace siguron lidhje në një sipërfaqe tokësore 40 km në diametër, unaza fillimisht do të ketë akses vetëm në një pjesë relativisht të vogël të planetit. Qëllimi është që vëllimi i balonave të mbahet relativisht i qëndrueshëm, madje edhe nëse ka ndryshim temperaturash. Kjo i lejon të qëndrojnë lart më gjatë dhe të mbajnë një lartësi të caktuar nga toka.

Koncepti u zhvillua për herë të parë për Forcat Ajrore të SHBA-së në vitet 1950 duke përdorur një film të shtrirë poliestëri, të quajtur Mylar. Kohët e fundit, NASA ka eksperimentuar me teknologjinë dhe sugjeroi se balonat super të lehta, një ditë do të mund të vendosen në atmosferën e Marsit. Google sugjeron se Project Loon do të ishte një zgjidhje më e lirë se instalimi i kabllove me fibër optike ose ndërtimi i telefonisë celulare në të gjithë ishujt e Indonezisë, të cilat përmbajnë xhungla dhe male të pa shkelura ndonjëherë. Sipas Google kjo skemë do të ndihmojë 100 milion njerëz të komunikojnë me njëri-tjetrin.

Më të lexuarat