Kina nderton radio teleskopin me te madh ne bote

Radio teleskopi më i madh në botë është në fazat e fundit të përfundimit.  Pajisja është duke u ndërtuar në provincën Guizhou, në jug-perëndim të Kinës.

Ai është një instrument, i cili përbehet nga një radio marrës dhe një  antenë. Për ndërtimin e tij u deshën më shumë se 5 vjet dhe pritet të përfundojë në shtator të vitit 2016. Qëllimi i tij është të kapë sinjale nga gjithë universi. 

Teleskopi i Kinës është 500 metra në diametër dhe përbëhet nga 4,450 panele. Madhësia e tij është sa 30 fusha futbolli ndërsa perimetri është 1.6 kilometra. Emri i tij është “FAST” dhe do të jetë më i madhi në botë, duke ia kaluar edhe Cbservatorit të Arecibo, në Puerto Rico. 

Menaxheri i projektit Zheng Yuanpeng tha se teleskopi do të shërbejë si një vesh gjigand në kërkim të mesazheve në hapësirë, në distanca më të largëta se më parë. 

Më të lexuarat