Projektet urbane me te medha te te gjitha koherave

Me kalimin e viteve teknologjia si dhe mjetet apo metodat, që përdoren në ndërtim janë zhvilluar shumë. Nga Tempulli i Solomonit tek tunelet e ujit në New-York, ekspertët e infrastruksturës thonë se këta janë projektet më të mrekullueshëm, që janë ndërtuar ndonjëherë.

Ata janë:

1.Ndërtesat e Venecias

Qyteti i vjetër i Veneciës është një qytet në ujë. Ai përbëhet nga 121 ishuj. Ai mund të njihet si qyteti i ujit, por është i ndërtuar nga lloje të ndryshme druri si: dushku, larshi e verri. Shumë ndërtesa janë sot në rrezik shembjeje dhe kanë nevojë renovim për të mos u rrënuar përfundimisht. Arsyeja për këtë është rritja e nivelit të ujit.

2. Kanalizimet në  Paris

Pas  1830, kur në Paris shpërtheu kolera, udhëheqësit e tij urdhëruan ndërtimin e një sistemi kanalizimesh për gjithë qytetin. Duke filluar nga viti 1870  u ndërtuan mbi 480 kilometër kanalizime.

3. Tempulli i Solomonit

Tempulli i Salomonit ishte një shtëpi e hershme e adhurimit të hyjnive dhe një risi arkitektonike. Ai daton rreth vitit 960 para Krishtit dhe ishte një nga ndërtesat e para të ndërtuara duke përdorur  metodën "Prefab”, e cila mbetet popullore edhe sot.  Ndodhet në Malin e “Tempullit,” një vend i shenjtë në Jeruzalem. Në brendësi të tij ndodhen edhe pllakat prej guri me Dhjetë Urdhëresat.

4. Ujësjellësi Romak

Romakët ishin ndërtuesit e parë, që e sollën ujësjellësin në një nivel krejt të ri. Duke përdorur mjete të specializuara për të matur distancën dhe këndet, në Romë u ndërtuan të paktën të paktën 11 ujësjellës.

5. Digat e Hollandës

Afërsisht një e katërta e Holandës është nën nivelin e detit duke përfshirë edhe një pjesë të madhe të Roterdamit dhe Amsterdamit. Një ndërtim në shkallë të gjerë të digave ndodhi rreth vitit 1000 pas Krishtit. Në kohët më moderne, projekte të tjera inxhinierike si: muret e detit dhe portat e përmbytjeve kanë zvogëluar nevojën për diga.

6.Metrotë në Londër

Metroja e parë, e cila punonte me avull u hap në vitin 1863 në Londër. Ndërsa në vitin 1890 ajo elektrike duke reduktuar kështu ndotjen në një masë të madhe. Gjatë luftës së dytë botërorë ato shërbyen si vend strehime, kurse sot me to udhëtojnë miliona pasagjerë.

7. Ura e Bruklin

Ndërtimi i saj përfundoi në vitin 1883. Ajo i hapi rrugën për bashkimit të Bruklin me pjesën tjetër të New York-ut duke krijuar atë që do të bëhej përfundimisht qyteti më i madh në botë. Ndërtimi i saj nuk ishte pa tragjedi. Reth 24 burra humbën jetën duke përfshirë edhe shefin ndërtues të urës John Roebling, i cili vdiq si pasojë e një infeksioni në këmbë.

8. Kulla Eifel 

Tani kjo shërben si një atraksion turistik, por kur puna në Kullën Eifel përfundoi në vitin 1889, ajo ishte një mrekulli e inxhinierisë moderne. Ajo u projektua nga arkitekti Gustave Eiffel.

9. Sistemi i ujit në Nju Jork  

Qyteti i New York-ut e importon shumicën e ujit të tij nga rajoni i Malit Catskill, rreth 160 kilometër në veriperëndim. Ndryshimet më të fundit në ndërtimin e tij përfshijnë ndërtimin e impianteve ultravjollcë për dezinfektimin e ujit.

10. Tuneli Channel  

Ai është një tunel ndërkombëtar, i cili mundëson lidhjen hekurudhore midis Londrës dhe Parisit. Tuneli në vetvete ka tre ndarje, dy për trenat dhe një për automjetet. Ai është rreth 49 kilometër i gjate, me një thellësi mesatare 15 metër dhe shpejtësi 299 kilometër në orë. Ai u hap në vitin 1994.

11. Diga e madhe e Bostonit

Ajo është një nga projektet më të mëdha urbane të ndërtuara ndonjëherë. Ajo përbëhet nga një tunel 13 kilometër, dy ura dhe katër kryqëzime në autostradë. Arsyeja, që e bëri projektin të komplikuar dhe të shtrenjtë ishte se ai u ndërtua nën një qytet funksional. Ai përfundoi në 2006 me një çmim mbi 15 miliard dollarë.

12.Kullat e Shangait

Qytetet kineze janë duke u zhvilluar me një ritëm të shpejtë. Vetëm në Shangai nga viti 1990 dhe 2004 janë ngritur më shumë se 6,700 ndërtesa.

13. Tuneli i Bosforit

Kjo është tuneli më i thellë  në botë dhe i pari që lidh dy kontinente, anën europiane dhe atë aziatike të Stambollit. Ai është 13 kilometër dhe ndërtimi i tij ka kushtuar 1.1 miliard dollarë. Tuneli u hap në vitin 2013 dhe ka një kapacitet për të transportuar 1.5 milionë njerëz në ditë, duke e bërë kalimin kontinental për rreth 4 minuta.

Më të lexuarat