Papunesia ne Shqiperi, ne shifrat me te larta qe nga 2012-ta

Fillimi i vitit 2015 regjistron numrin më të lartë të punëkërkuesve të papunë të regjistruar, të paktën që nga fillimi i vitit 2012.

Referuar të dhënave administrative të Institutit të Statistikave, vihet re se në tremujorin e parë të këtij viti në zyrat e punës, janë regjistruar 145.478 punëkërkues të papunë, me një rritje prej mbi 5 mijë individësh krahasuar me tre mujorin e fundit të vitit 2014. Krahasuar me tre mujorin e parë të vitit 2012, është rreth 2 mijë persona më shumë.

Ndërsa shkalla e papunësisë së regjistruar ka arritur në 13.3 për qind nga 13.0 për qind që ka qenë në fund të vitit që lam pas.
Kjo rritje e numrit të punëkërkuese mund të ketë ardhur për shkaqe të ndryshme, si efektet e krizës, rritja e numrit të emigrantëve të rikthyer, ngadalësimi i ekonomisë, tendenca e bizneseve për të shkurtuar shpenzimet etj.

Një ndër faktorët mund të jetë edhe moratoriumi i ndërtimeve që ka bërë që shumë individë, të punësuar në këtë sektor edhe pse në të zezë, tu drejtohen zyrave të punës. Numri më i lartë i punëkërkuesve është i moshës 16-29 vjeç, që është edhe mosha që konsiderohet si më aktive. 

Më të lexuarat