BE jep aprovimin per ndertimin e hekurudhes Lin Maqedoni

BE-ja jep aprovimin për financimin e projektit për lidhjen e hekurudhës shqiptare me atë të Korridorit VIII në kufirin me Maqedoninë.Kjo u konfirmua në takimin e ministrave të Transportit të Ballkanit Perëndimor në Riga, organizuar nga Violeta Bulc, komisionere për Transportin dhe Jean Eric Paquet, drejtor për Zgjerimin e Ballkanit Perëndimor.

I pranishëm në takim, ministri Edmond Haxhinasto informoi të pranishmit, se të hënën do të ngrihet në Tiranë grupi teknik me Malin e Zi, për të përgatitur aplikimin për studim fizibilitetit për projektin e autostradës Adriatiko-Joniane, pranë institucioneve financiare në BE.Pjesë e rëndësishme e procesit është edhe hekurudha, për të cilën Haxhinasto deklaroi se qeveria shqiptare po bën studimin dhe projektimin për lidhjen Tiranë – Durrës dhe me Aeroportin e Rinasit.Ministri falënderoi komisionin për aprovimin e financimit të studimit të fizibilitetit për linjën hekurudhore të Korridorit VIII, rehabilitimin e segmentit Durrës – Lin – Pogradec, si dhe ndërtimin e linjës së re Lin – kufiri me Maqedoninë.

Më të lexuarat