Ndryshon buxheti: Shtohen 2 miliarde leke per blerjen e vaksinave Covid

Kuvendi ka miratuar Aktin Normativ për ndryshimin e buxhetit, për shtesën e fondit rezervë me vlerë 2 mld lekë, që do përdoren për blerjen e vaksinave anticovid.

Gjatë fjalës së saj në Kuvend, ministrja e Financave dhe Ekonomisë, Anila Denaj tha se ky fond do të përdoret për blerjen e 2.2 mln dozave vaksinë, që së bashku me dozat e siguruara deri më tani mjaftojnë për të vaksinimin me të dyja dozat të 2.2 mln shqiptarëve. Ndërkaq, paralelisht me ndryshimet në buxhet u miratuan edhe 2 akte normativë, që sipas ministres së Shëndetësisë, Ogerta Manastirliu synojnë sigurimin e një numri më të madh të dozave të vaksinës kineze Coronvac. Manastirliu tha se pritet mbërritja e vaksinave të tjera, bazuar në marrëveshjet direkte që shteti shqiptar ka lidhur me Pfizer, Sputnik V dhe distributorin turk të Sinovac, si dhe përmes mekanizmit COVAX dhe mekanizmit që do të aplikohet nga Bashkimi Evropian për vendet e Ballkanit Perëndimor./Burimi: Scan

Më të lexuarat