Publikohet vendimi: Hyjne ne fuqi masat e reja ne Kosove, ndryshimet
Qeveria e Kosovës ka miratuar vendimin për shqyrtimin e masave të përgjithshme dhe të veçanta për kontrollin, luftimin dhe parandalimin e Covid-19.
Kurse, ministri i Shëndetësisë sot i ka bërë publike të gjitha masat. Ministria e Shëndetësisë ka publikuar vendimin me të gjitha masat e reja mbrojtëse ndaj COVID-19 që kanë hyrë në fuqi sot. Masat e reja parashohin që: -Qytetarët e huaj, të cilët hyjnë në Republikën e Kosovës, përfshirë edhe ata me leje qëndrim të përkohshëm ose të përhershëm në Kosovë dhe të cilët vijnë nga vendet me rrezik të lartë sipas listës zyrtare të Institutit Kombëtar të Shëndetësisë Publike të Kosovës (IKShPK), duhet të kenë test RT-PCR negativ për COVID-19 të bërë në 72 orët e fundit, në bazë të parimit të reciprocitetit.
-Mbajtja e dasmave, fejesave, ahengjeve familjare dhe mbrëmjeve të maturës, lejohet deri në ora 23:00.
-Operatorët e transportit rrugor të udhëtareve lejohen të punojnë, duke shfrytëzuar kapacitetin e plotë të ulëseve, me kusht që personeli dhe udhëtarët të mbajnë maskën gjatë tërë kohës. Operatorët e transportit nuk mund të ketë më tepër udhëtarë në autobus sesa që posedojnë ulëse.
– Në taksi lejohen të udhëtojnë deri në tre (3) udhëtarë,
Ndërsa, bartja e maskës duke mbuluar hundën dhe gojën është obligative në të gjitha rastet, përveç:
– Gjatë ecjes në ambient të jashtëm, vetëm,
– Gjatëngasjes së automjetit, vetëm, apo në grup me jo më shumë se katër (4) persona,
– Gjatë vrapimit, ciklimit dhe ushtrimeve fizike,
– Gjatë ngrënies apo pijes.
Kosova, prej konfirmimit të rasteve të para në mars të vitit të kaluar, ka regjistruar në total 107,693 raste pozitive. Prej tyre, 2,254 pacientë kanë vdekur dhe 105,274 janë shëruar. Fushata e vaksinimit kundër koronavirusit në Kosovë ka nisur në fund të muajit mars. Deri të hënën, sipas Ministrisë së Shëndetësisë, janë dhënë 144.685 vaksina. Mbi 22.906 vetë janë vaksinuar me nga dy doza./Burimi: Monitor
Kurse, ministri i Shëndetësisë sot i ka bërë publike të gjitha masat. Ministria e Shëndetësisë ka publikuar vendimin me të gjitha masat e reja mbrojtëse ndaj COVID-19 që kanë hyrë në fuqi sot. Masat e reja parashohin që: -Qytetarët e huaj, të cilët hyjnë në Republikën e Kosovës, përfshirë edhe ata me leje qëndrim të përkohshëm ose të përhershëm në Kosovë dhe të cilët vijnë nga vendet me rrezik të lartë sipas listës zyrtare të Institutit Kombëtar të Shëndetësisë Publike të Kosovës (IKShPK), duhet të kenë test RT-PCR negativ për COVID-19 të bërë në 72 orët e fundit, në bazë të parimit të reciprocitetit.
