108 mln euro investime ne Unazen e Tiranes: ARRSH hap tenderat e mbikeqyrjes
10 ditë nga çelja e procedurave për ndërtimin e disa loteve të Unazës së Tiranës si dhe lidhjes së Sheshit Shqiponja me Bulevardin e Ri, ARRSH hapi procedurat e mbikëqyrjes.
Fondi limit në total për të shtatë procedurat e mbikëqyrjes është rreth 855 mijë euro duke nisur nga supervizioni i Loteve 4,5,6 dhe 7 të Unazës së jashtme të Tiranës si dhe Plotësimi, Rakordimi dhe vazhdimi i punimeve Sheshi Shqiponja- Lumi i Tiranës, Loti 1 dhe QMT” si dhe Supervizion Punimesh “Ndërtimi i segmentit rrugor Sheshi Shqiponja–Bulevardi i Ri, Loti 2”. Këto janë disa nga investimet kyçe që po prokurohet nga ARRSH këtë vit për nga vlera që mbarin ato. Kujtojmë që në 16 gusht ARRSH çeli disa tenderë që në total kanë vlerën e fondit limit rreth 108 milionë euro.
E para është ajo për ndërtimin e Unazës së Jashtme Tiranë, Loti 4 me një fond limit 2 miliardë lekë. Më pas është ndërtimi i lotit 5 me fond 1.93 miliardë lekë dhe vazhdon me ndërtimin e lotit 6 dhe 7 me fonde limite përkatësisht 1.8 miliardë lekë dhe 2.35 miliardë lekë. Sa u takon loteve 4,5 dhe 6 në raportin teknik specifikohet se segmenti nis në fund të Lotit 3, i cili aktualisht është në proces përfundimtar punimesh, intersekton rrugën Ali Demi, kalon në Kodrën e Priftit, kalon mbi Kinostudio duke intersketuar rrugën Tiranë-Dajt, intersekton rrugën e Tufinës, dhe zbret deri në afërsi të lumit të Tiranës.
Sa u takon dy procedurave të tjera bëhet fjalë për ndërtimin e segmentit rrugor Sheshi Shqiponja–Bulevardi i Ri, Loti 2 dhe ndërtimin e segmentit rrugor Sheshi Shqiponja–Bulevardi i Ri–Shkozë, Urat mbi lumin Tirana, përkatësisht me kosto 2.48 mld lekë dhe 2.55 mld lekë. Segmenti që nis nga Unaza e Madhe e Tiranës për të vazhduar drejt Bulevardit të Ri parashikon ndërtimin e një rruge 3.2 km, e cila fillon në “Sheshin Shqiponja” dhe vazhdon deri në lidhjen me “Bulevardin e Ri”. E fundit është “Plotësimi rakordimi dhe vazhdimi i punimeve Sheshi Shqiponja–Lumi i Tiranës, Loti 1 dhe QMT” rreth 2.4 mld lekë. Data për paraqitjen e ofertave për të gjithë procedurat është 19 shtatori./Burimi: Monitor
Fondi limit në total për të shtatë procedurat e mbikëqyrjes është rreth 855 mijë euro duke nisur nga supervizioni i Loteve 4,5,6 dhe 7 të Unazës së jashtme të Tiranës si dhe Plotësimi, Rakordimi dhe vazhdimi i punimeve Sheshi Shqiponja- Lumi i Tiranës, Loti 1 dhe QMT” si dhe Supervizion Punimesh “Ndërtimi i segmentit rrugor Sheshi Shqiponja–Bulevardi i Ri, Loti 2”. Këto janë disa nga investimet kyçe që po prokurohet nga ARRSH këtë vit për nga vlera që mbarin ato. Kujtojmë që në 16 gusht ARRSH çeli disa tenderë që në total kanë vlerën e fondit limit rreth 108 milionë euro.
