Rritet inflacioni i eurozones: Ne nivelin me te larte ne dekade
Norma vjetore e inflacionit në zonën e euros u rrit në gusht me 3%, më e larta në gati 10 vjet, duke tejkaluar qartë objektivin prej 2 për qind të BQE, njoftoi Eurostat.
Inflacioni në zonën e euros ishte rritur tashmë në korrik me 2,2 për qind, pas një rritjeje me 1,9% në qershor. Presionet e fundit të çmimeve po bëjnë që tregjet financiare të kenë frikë nga rritja e normave të interesit. Megjithatë, Banka Qendrore Evropiane (BQE), ashtu si edhe homologu i saj amerikan, FED, e konsiderojnë fenomenin “të përkohshëm”. Rritja e inflacionit lidhet me rritjen e çmimeve të energjisë dhe mungesat e përbërësve në industri, vetë rezultat i rimëkëmbjes së fortë ekonomike që pasoi krizën e shkaktuar nga pandemia e COVID-19.
Për shumë ekspertë, situata pritet të normalizohet në muajt e ardhshëm. Ndër vendet e mëdha që ndajnë monedhën e vetme evropiane, Gjermania përjetoi inflacion veçanërisht të lartë (3,4 për qind), ashtu si Spanja (3,3 për qind), ndërsa Italia (2,6 për qind) dhe Franca (2,4 për qind) mbetën nën mesataren e bllokut./Burimi: Balkanweb
Inflacioni në zonën e euros ishte rritur tashmë në korrik me 2,2 për qind, pas një rritjeje me 1,9% në qershor. Presionet e fundit të çmimeve po bëjnë që tregjet financiare të kenë frikë nga rritja e normave të interesit. Megjithatë, Banka Qendrore Evropiane (BQE), ashtu si edhe homologu i saj amerikan, FED, e konsiderojnë fenomenin “të përkohshëm”. Rritja e inflacionit lidhet me rritjen e çmimeve të energjisë dhe mungesat e përbërësve në industri, vetë rezultat i rimëkëmbjes së fortë ekonomike që pasoi krizën e shkaktuar nga pandemia e COVID-19.
