Miratohet struktura e vitit shkollor 2021-2022: Nga kohezgjatja te provimet, detajet
Nëpërmjet një njoftimi të publikuar në Fletoren Zyrtare është bërë me dije miratimi i strukturës së vitit shkollor 2021-2022 për sistemin arsimor parauniversitar.
Struktura e vitit shkollor 2021–2022 të jetë si më poshtë:
Në arsimin bazë:
a) mësimet fillojnë më 27 shtator 2021 dhe mbarojnë më 17 qershor 2022;
b) pushimet fillojnë më 24 dhjetor 2021 dhe mbarojnë më 4 janar 2022;
c) provimet kombëtare të arsimit bazë zhvillohen në periudhën 18–30 qershor 2022.
Në arsimin e mesëm të lartë:
a) mësimet fillojnë më 27 shtator 2021 dhe mbarojnë më 24 qershor 2022;
b) për maturat, mësimet fillojnë më 27 shtator2021 dhe mbarojnë më 8 qershor 2022;
c) pushimet fillojnë më 24 dhjetor 2021 dhe mbarojnë më 4 janar 2022;
ç) provimet e maturës shtetërore zhvillohen në periudhën 9–30 qershor 2022.
Në arsimin profesional:
a) mësimet fillojnë më 27 shtator 2021;
b) nxënësit e klasave të 10-ta, për të gjitha strukturat, nxënësit e klasave të 12-ta për strukturën 2+2, si dhe nxënësit e klasave të 11-ta dhe të 12-ta për strukturën 4-vjeçare, përfundojnë mësimet më 24 qershor 2022;
c) nxënësit e klasave të 11-ta dhe të 12-ta, për strukturën 2+1+1, dhe nxënësit e klasave të 11-ta, për strukturën 2+2, përfundojnë mësimet më 8 qershor 2022;
ç) për të gjithë nxënësit maturantë, viti shkollor përfundon më 27 maj 2022.
d) pushimet fillojnë më 24 dhjetor 2021 dhe mbarojnë më 4 janar 2022;
dh) provimet përfundimtare për kualifikimet profesionale të niveleve II dhe III të KSHK-së zhvillohen në periudhën 8–24 qershor 2022;
e)provimet përfundimtare të praktikës profesionale të kualifikimeve profesionale të nivelit IV të KSHK-së zhvillohen në periudhën 3–8 qershor 2022;
f) provimet e maturës shtetërore dhe të maturës shtetërore profesionale zhvillohen në periudhën 9–30 qershor 2022. 4. Urdhri i përbashkët nr. 88, datë 10.5.2021,“Për miratimin e strukturës së vitit shkollor 2021–2022 në sistemin arsimor parauniversitar”, shfuqizohet.
Për zbatimin e këtij urdhri është ngarkuar, Ministria e Arsimit, Sportit dhe Rinisë, Ministria e Financave dhe Ekonomisë, Qendra e Shërbimeve Arsimore, Agjencia Kombëtare e Arsimit, Formimit Profesional dhe Kualifikimeve, institucionet arsimore vendore, përgjegjëse për arsimin parauniversitar, dhe të gjitha institucionet arsimore të sistemit arsimor parauniversitar./Burimi: SCAN
Struktura e vitit shkollor 2021–2022 të jetë si më poshtë:
