Permiresimi i sistemit shendetesor: Disbursohen rreth 17 mln dollare nga fondi total
Banka Botërore bëri një vlerësim për ecurinë e projektit të përmirësimit të sistemit shëndetësor duke nënvizuar se deri më tani 44 për qind e fondit total është disbursuar.
Në total projekti ka një fond 40 milionë dollar dhe pjesa e mbetur për tu disbursuar në vijim, deri në 31 dhjetorin e vitit të ardhshëm është 21.80 milionë dollar. Misioni që vlerësoi ecurinë e projektit e cilësoi atë me një ecuri të kënaqshëm në mënyrë të moderuar duke mos bërë asnjë ndryshim në raport me vlerësimin paraardhës. Edhe pse një pjesë e objektivave të projektit janë arritur duket se për Bankën ka disa aspekte që kanë frenuar progresin e pritur por që sipas shënimeve të bëra në vlerësim pritet që të marrin zgjidhje. Një ndër to është edhe strategjia e menaxhimit dhe mirëmbajtjes së pajisjeve mjekësore si dhe adoptimi i disa planeve e cila parashikohet sipas komentit që të nisë brenda këtij shtatori.
Një tjetër koment që shënon vonesën në projekt është ajo për përzgjedhjen e pesë sëmundjeve si dhe termat e referencës që sipas BB do të jenë përfunduar dhe do të ndahet me këtë institucion brenda marsit të vitit të ardhshëm. E vonuar është edhe pika që lidhet me prokurimin për kostimin e paketave që do të riniset sipas termave të referencës paralelisht me zbatimin e platformës me paketat tashmë të kostuara.
Dy punë të tjera ende nuk kanë nisur sipas bankës dhe e para lidhet me masterplanin e-HEALTH dhe aktivitetet e lidhura me të si dhe numri i regjistrimeve esenciale që janë të konsoliduara dhe të disponueshme online. Raporti pavarësisht komenteve për mosrealizimet sjell në vëmendje se disa aspekte të tjerë të projektit janë duke ecur sipas parashikimit ndërkohë që edhe pse në pakicë disa tregues janë tejkaluar në raport me objektivin fillestar.
Projekti për përmirësimin e sistemit shëndetësor u miratua në vitin 2015 me një kredi të Bankës Botërore dhe përbëhet nga tre komponentë. Deri në mars 2021 të dhënat zyrtare tregonin se ishin disbursuar vetëm 36 për qind e fondeve apo 13.9 milionë dollar ndërkohë që pjesa më e madhe mbeten ende të pa tërhequra. Për shkak të vonesave afati i projektit u rishikua duke e shtyrë atë deri më 31 dhjetor 2022. /Burimi: Monitor (https://www.monitor.al/projekti-i-permiresimit-te-sistemit-shendetesor-disbursohen-rreth-17-milione-usd/)
Në total projekti ka një fond 40 milionë dollar dhe pjesa e mbetur për tu disbursuar në vijim, deri në 31 dhjetorin e vitit të ardhshëm është 21.80 milionë dollar. Misioni që vlerësoi ecurinë e projektit e cilësoi atë me një ecuri të kënaqshëm në mënyrë të moderuar duke mos bërë asnjë ndryshim në raport me vlerësimin paraardhës. Edhe pse një pjesë e objektivave të projektit janë arritur duket se për Bankën ka disa aspekte që kanë frenuar progresin e pritur por që sipas shënimeve të bëra në vlerësim pritet që të marrin zgjidhje. Një ndër to është edhe strategjia e menaxhimit dhe mirëmbajtjes së pajisjeve mjekësore si dhe adoptimi i disa planeve e cila parashikohet sipas komentit që të nisë brenda këtij shtatori.
