Ekonomia e Kosoves pritet te rritet me 9.9 per qind sipas Bankes Qendrore
Ekonomia e Kosovës pritet të rritet në 9.9 për qind gjatë vitit 2021, pas një rënie prej 5.3 për qind që ishte në vitin paraprak.
Kështu ka thënë guvernatori i Bankës Qendrore të Kosovës, Fehmi Mehmeti gjatë raportimit në Komisionin për Buxhet, Punë dhe Transfere, duke shtuar se gjatë vitit të pandemisë COVID-19 ka pasur rënie të shërbimeve të udhëtimit. “Sipas vlerësimeve ekonomia e Kosovës gjatë vitit 2020 ka shënuar rënie prej 5.3%.
Efekti i rënies së ekonomisë është manifestuar përmes sektorit të jashtëm. Ndalimi i udhëtimit ka bërë që të bie në mënyre drastike numri i mërgimtarëve dhe rënien e eksportit të shërbimeve të udhëtimit që në 2020 zbriti në mbi 628 mln euro, krahasuar me vlerën prej 1.3 mld euro që ishte një vit më parë”, tha Mehmeti.
Sipas tij, në pjesën e parë të 2021 ka pasur shtim të aktivitetit ekonomik prej 10.5%. “Projeksionet e BQK tregojnë se aktiviteti ekonomik do të rikuperohet me një ritëm mjaftë të shpejtë të rritjes prej 9.9% për 2021.
Vetëm në gjysmën e parë të 2021 është shënuar një aktivitet i shtuar ekonomik prej 10.5%”, ka vijuar ai. Mehmeti gjatë raportimit ka treguar se vlera e kredive të shtyra për 2020 ka qenë 1.2 miliard euro, ndërsa kreditë e ristrukturuara kanë qenë 376 milionë euro.
“Vlera e kredive të shtyra për 2020 ishte 1.2 miliard euro apo 42% në total të portofolios së kredive të sektorit bankar, prej të cilave 357 milionë euro apo 27% të kredive të shtyra ishin të ekonomive familjare, pjesa tjetër ishte e kredive të bizneseve.
Vlera e kredive të risktrukturuara 376 milionë euro apo 12 për qind të kredive të sektorit bankar, prej të cilave 9 milionë euro ishin të kredive të ekonomive familjare”, ka përfunduar ai.
Ndërsa, Banka Botërore thotë se rritja e konsumit me ardhjen e mërgatës ka kontribuar në rritjen ekonomike të Kosovës për 2021. Sipas raportit të BB, deri në fund të këtij viti, kjo rritje do të jetë 7.1%, kundrejt një tkurrje prej 5.3% që ishte vitin e kaluar./Burimi: Telegrafi
Kështu ka thënë guvernatori i Bankës Qendrore të Kosovës, Fehmi Mehmeti gjatë raportimit në Komisionin për Buxhet, Punë dhe Transfere, duke shtuar se gjatë vitit të pandemisë COVID-19 ka pasur rënie të shërbimeve të udhëtimit. “Sipas vlerësimeve ekonomia e Kosovës gjatë vitit 2020 ka shënuar rënie prej 5.3%.
