Bashkite kane 6.6 mld leke borxhe, 6 prej tyre me stokun me te larte
6.6 miliardë lekë janë detyrimet e vendorëve vetëm në gjysmën e parë të këtij viti.
Të dhënat tregojnë se këto borxhe janë krijuar kryesisht si pasojë e mospagesës së investimeve të ndryshme që janë realizuar e sidomos nga largimet e padrejta nga puna. Stokun kryesor të borxhit e mbajnë 6 bashki.
Niveli më i lartë i detyrimeve të prapambetura vijon të shënohet në bashkinë Kavajë me rreth 908 milionë lekë apo 14% e stokut total, ndjekur nga bashkitë Tiranë me rreth 800 milionë lekë dhe Vorë me rreth 667.8 milionë lekë.
Nga të dhënat rezulton se disa bashki e kanë shlyer borxhin duke e përmirësuar situatën e detyrimeve të prapambetura. Roskoveci ka paguar më shumë detyrime në vlerën e 142 mln lekëve e ndjekur nga Vlora me 102 milion, Fieri, Korça dhe Tropoja.
Në kuadër të forcimit të disiplinës financiare për të parandaluar krijimin e detyrimeve të parapambetura, qeveria po i kushton një fokus të posaçëm shlyerjes së detyrimeve të prapambetura nga njësitë e vetëqeverisjes vendore.
Ministria e Financave dhe Ekonomisë në bashkëpunim me njësitë e vetëqeverisjes vendore është duke zbatuar një plan veprimi për shlyerjen e detyrimeve.
Të dhënat tregojnë se këto borxhe janë krijuar kryesisht si pasojë e mospagesës së investimeve të ndryshme që janë realizuar e sidomos nga largimet e padrejta nga puna. Stokun kryesor të borxhit e mbajnë 6 bashki.
