Nis nga sot vaksinimi me dozen e trete per personat mbi 60 vjec

Ka nisur sot aplikimi i dozave të treta të vaksinës së koronavirusit për personat mbi 60-vjeç, për të ofruar një mbrojtje më të plotë ndaj virusit të rrezikshëm.

Vaksinimi me dozat e treta do të bëhet kryesisht me të njëjtën vaksinë, por mund të ketë edhe alternime. Po ashtu, nga sot, ftohen të vaksinohen edhe fëmijët mbi 16 vjeç dhe ata 12-15 vjeç që vuajnë nga sëmundje me ulje të imunitetit.

Vaksinimi i fëmijëve do të bëhet me lejen e prindërve. Këto vendime u bënë publike nga Komiteti Teknik i Ekspertëve në mbledhjen e 22 tetorit, ndërsa propozimi ishte bërë pak ditë më parë nga Komiteti i Imunizimit.

Aplikimi i dozës së tretë të vaksinës dhe vaksinimi i fëmijëve janë praktika që po ndiqen tashmë edhe nga shumë vende të tjera të zhvilluara, për të penguar përhapjen e COVID. Ndërkohë numri total i vaksinimeve të kryera në vend ka shkuar në mbi 1 milion e 900 mijë./Burimi: Shqiptarja.com

Më të lexuarat