Secondary Adv

Green Pass do penalizonte bizneset, Shoqata: Te hiqet ora policore

Shoqata e Bar-Restoranteve është kundër vendosjes së Green Pass, për sa kohë janë në fuqi edhe masa të tjera kufizuese si ora policore apo distanca midis tavolinave.

 

Kreu i kësaj shoqate, Enri Jahaj thotë për TV SCAN se vendosja e masave të reja mbi masat ekzistuese penalizon sektorin. Jahaj e shikon të vështirë edhe zbatimin e kësaj mase, pasi sipas tij do të krijoheshin konflikte të panevojshme midis klientëve dhe stafit.

 

Gjithashtu, sipas kreut të shoqatës kamerierëve apo menaxherëve të këtyre strukturave i ngarkohen role kontrolluese, që nuk iu takojnë. Ndërkohë që, shtimi i stafit vetëm për këtë qëllim është i pamundur, për shkak të mungesës së punonjësve në tregun e punës.

 

Si grup interesi, Jahaj thotë se janë të gatshëm të bashkëpunojnë me institucionet shtetërore, përmes tryezave të përbashkëta./Burimi: Scan


Më të lexuarat