Te ardhurat e BioNTech pritet te arrijne deri ne 17 mld euro
Prodhuesi gjerman BioNTech njoftoi se në 9 muajt e parë të vitit është mbështetur nga shitja e vaksinës COVID-19, e cila pritet ti sjellë deri në 17 mld euro të ardhura.
Në tremujorin e tretë ka realizuar një fitim neto prej rreth 3.2 miliardë euro, ndërsa në të njëjtën periudhë të vitit të kaluar ka funksionuar me rreth 210 milionë euro humbje, tregon raporti financiar.
Të ardhurat e saj u rritën nga pothuajse 6.1 miliardë euro nga korriku në muajin shtator, krahasuar me 67.5 milionë euro në të njëjtën periudhë të vitit të kaluar, raporton nasdaq.
Rritja e të ardhurave është rezultat i një rritjeje të shpejtë të furnizimit dhe shitjeve të vaksinave të coronavirusit në nivel global, të cilat kompania gjermane e bioteknologjisë e zhvilloi në bashkëpunim me Pfizer-in amerikan.
Në nëntë muajt e parë të këtij viti, të ardhurat e BioNTech arritën në 13.44 miliardë euro, krahasuar me pak më pak se 140 milionë euro në të njëjtën periudhë të vitit të kaluar.
Fitimi neto nga janari deri në fund të shtatorit arriti në 7.1 miliardë euro, kundrejt një humbjeje prej 352 milionë euro në të njëjtën periudhë të vitit 2020, tregoi raporti.
Kompania pret të ardhura nga vaksinat kundër Covid në rangun prej 16 deri në 17 miliardë euro këtë vit, bazuar në dërgesat e parashikuara deri në 2.5 miliardë doza. Në gusht, ajo u vlerësua në 15.9 miliardë euro bazuar në dorëzimin e kontraktuar në atë kohë prej 2.2 miliardë dozash./Burimi: Telegrafi
Në tremujorin e tretë ka realizuar një fitim neto prej rreth 3.2 miliardë euro, ndërsa në të njëjtën periudhë të vitit të kaluar ka funksionuar me rreth 210 milionë euro humbje, tregon raporti financiar.
