Pagat per ushtaraket rriten me 30 per qind ne vitin 2022

Në konferencën e prezantimit të buxhetit të 2022, ministri i Mbrojtjes theksoi edhe njëherë se buxheti për vitin e ardhshëm do të rritet me 32 %.

Po ashtu, Peleshi bëri me dije se pagat e ushtarakëve do të rriten me 30%. “32% më shumë do të jetë buxheti i 2022 krahasuar me buxhetin e këtij viti. Buxheti i mbrojtjes është 32.6 miliard lekë.

102% është rritja në zërin e investimeve, pra kemi dyfishim të invstimeve në fushën e sigurisë. Kemi angazhime buxhetore në NATO, angazhimi i përbashkët në samitin e Uellsit, të kapin shifrën 2% të produktit të brendshëm bruto.

E veçoj me të vërtetë si historike një arritje të madhe të këtij buxheti që është rritja prej 30% e pagave nga ushtari i parë deri te oficeri i gradave më të larta. Dua të falënderoj kryeministrin që me këtë gjest ka treguar vlerësimin që qeveria ka për Forcat e Armatosura,” tha ai./Burimi: abcnews.al

Më të lexuarat