Ligji i ri per turizmin hyn ne fuqi ne 5 tetor, afate te reja per licensimin e operatoreve
Duke nisur nga data 5 Tetor kur hyn në fuqi ligji i ri për turizmin, operatorët dhe bizneset turistike do të duhet t’i adresohen qendrës kombëtare të licencimit për të marrë licencën për shërbimet që ofrojnë.
Referuar ligjit, operatorët kanë afat 12 muaj për të bërë licencimin e veprimtarisë së tyre pranë Qendrës Kombëtare të Licencimit dhe 18 muaj afat për t’u pajisur me çertifikatën përkatëse. Përndryshe, ata do të përballen me gjoba që variojnë nga 50 mijë lekë në 200 mijë lekë e deri në mbyllje të aktivitetit.
Ushtrimi i veprimtarisë pa licencën përkatëse penalizohet me 200 mijë lekë gjobë ndërsa përdorimit i pautorizuar i shenjave dalluese të klasifikimit si yjet apo klasifikimi në hotele apo bujtina do të penalizohet me 150 mijë lekë gjobë.Subjektet e gjobitura janë të detyruara që të bëjnë pagesën e gjobës brenda 10 ditëve pasi vendimi i dënimit me gjobë është bërë titull ekzekutiv.
Duke nisur nga data 5 Tetor kur hyn në fuqi ligji i ri për turizmin, operatorët dhe bizneset turistike do të duhet t’i adresohen qendrës kombëtare të licencimit për të marrë licencën për shërbimet që ofrojnë.
