Secondary Adv

Gjysme mld njerez ne varferi per shkak te kostove te pandemise

Shpenzimet shëndetësore kanë shtyrë më shumë se gjysmë miliardë njerëz në mbarë botën në varfëri ekstreme gjatë kulmit të pandemisë sipas OBSH dhe BB.

 

Pandemia ndërpreu shërbimet shëndetësore në nivel global dhe shkaktoi krizën më të keqe ekonomike që nga vitet 1930, duke e bërë edhe më të vështirë për njerëzit të paguajnë për kujdesin shëndetësor, thuhet në një deklaratë të përbashkët nga të dy organizatat të dielën.

 

“Të gjitha qeveritë duhet të përshpejtojnë përpjekjet për të siguruar që çdo qytetar i tyre të ketë akses në shërbimet shëndetësore pa frikë nga pasojat financiare”, tha Drejtori i Përgjithshëm i OBSH-së, Tedros Adhanom Ghebreyesus.

 

Ndërkohë, sipas një raporti të publikuar të enjten nga Agjencia e Kombeve të Bashkuara për Fëmijët (UNICEF) tha se 100 milionë fëmijë të tjerë vlerësohet se tani jetojnë në varfëri për shkak të pandemisë, një rritje prej 10% që nga viti 2019./Burimi: abcnews.al


Më të lexuarat