Rritet fluksi i levizjeve ne Portin e Durresit pas festave
Pas përfundimit të festave të fundvitit, fluksi i lëvizjeve në Portin e Durrësit po reflektohet nga vendi ynë drejt porteve italiane.
Referuar të dhënave zyrtare të Autoritetit Portual Durrës, nga fillimi i këtij viti deri më datë 4 janar 2022, janë përpunuar 6,703 pasagjerë, prej të cilëve 5,580 në dalje dhe 1,123 në hyrje drejt vendit tonë.
Tragetet
Gjatë 4 ditëve të para të vitit, nga tragetet janë realizuar 7 lundrime, duke transportuar përveç pasagjerëve edhe 2019 automjete, trailer dhe kamionë.
Ndërkohë po punohet me kapacitet të plotë nga kompanitë e lundrimeve, sportelet e PKK, ndërsa institucionet detare po mbikëqyrin mbarëvajtjen e përballimit me sukses të fluksit të hyrje-daljeve nëpërmjet pikës kryesore kufitare detare të vendit.
Sakaq në total, nga data 15 dhjetor 2021 deri më 4 janar 2022 tragetet e linjave Durrës-Bari/Ankona dhe anasjelltas kanë kryer 64 lundrime, duke transportuar 56, 869 pasagjerë dhe 14, 840 automjete./Burimi: BalkanWeb
Referuar të dhënave zyrtare të Autoritetit Portual Durrës, nga fillimi i këtij viti deri më datë 4 janar 2022, janë përpunuar 6,703 pasagjerë, prej të cilëve 5,580 në dalje dhe 1,123 në hyrje drejt vendit tonë.
