Kosove, mbi 9 mln euro mallra kontrabande u konfiskuan ne 2021

Qeveria e Kosovës ka njoftuar se në kuadër të luftimit të kontrabandës në 2021 kanë konfiskuar mallra në vlerë mbi 9 milionë euro, ose mbi 50% më shumë sesa në 2020.

Në njoftimin e Qeverisë thuhet se në 2021 Dogana e Kosovës në 264 raste ka konfiskuar mallra që kanë hyrë ilegalisht në Kosovës në vlerë prej 9,096,050 euro. Ndërsa në 2020 kishte gjithsej 113 raste të konfiskimit të mallrave në vlerë të përgjithshme prej 4,360,809 euro.

“Duke luftuar korrupsionin në kufi, kemi ndaluar futjen e mallrave të kontrabanduara që pasurojnë kriminelët, grupet e individët e lidhur me ta, që dëmtojnë buxhetin duke i ikur tatimit dhe dëmtojnë bizneset duke prishur konkurrencën”, thuhet në njoftim, transmeton Telegrafi.

Sipas Qeverisë, të hyrat nga Dogana e Kosovës janë 1.37 miliardë euro apo 320 milionë më shumë se vitin e kaluar. “Kjo është bërë pa ndryshime në politika fiskale”, thuhet në njoftim./Burimi: Telegrafi

Më të lexuarat