FMN: 7.5 per qind rritja ekonomike e Kosoves ne 2021
FMN në raportin për Kosovën thotë se ekonomia e saj po rikthehet nga recesioni i saj më i thellë që kishte në një dekadë.
Pas tkurrjes me 5.3% në 2020, GDP reale parashikohet të rritet me 7.5% në vlerësimin për vitin 2021. “Përgjigjja fiskale ndaj pandemisë siguroi rrugë shpëtimi për familjet dhe firmat, si dhe zbuti ndikimin nga goditja tek ata që u prekën më shumë nga pandemia.
Pas një rikthimi të fuqishëm të të ardhurave, qëndrimi i politikës fiskale u shtrëngua në një pozicion pothuajse të balancuar në vitin 2021 nga një deficit prej afërsisht 8 për qind e GDP-së në vitin 2020”.
FMN thotë se inflacioni në vitin 2021 në Kosovë parashikohet të jetë rritur në më shumë se 5 për qind (nga viti në vit) për shkak të çmimeve më të larta të energjisë dhe ushqimeve, të cilat u kthyen në nivelet e tyre para pandemisë.
“Me rezerva të forta kapitali dhe likuiditeti dhe kredi të ulëta me probleme, sektori bankar ka qenë elastik në përgjithësi. Aktiviteti ekonomik parashikohet të rritet me 3.8% në 2022, i stimuluar pjesërisht nga rritja e fortë ekonomike në vitin 2021.
Pasiguria rreth perspektivës mbetet e lartë dhe pandemia vazhdon të jetë rreziku kryesor për rënie”. Kryeministri Albin Kurti rritjen ekonomike të vitit që lamë pas e ka cilësuar si ndër punët më të mira të qeverisjes së tij.
Ai pati thënë se rritja ishte 9.9% dhe pati thënë se nëse vazhdon ky trend i rritjes ekonomike, Kosova do të mund t’i afrohet Kroacisë./Burimi: Monitor https://www.monitor.al/fmn-raport-per-kosoven-ne-2021-me-rritje-ekonomike-prej-7-5/
Pas tkurrjes me 5.3% në 2020, GDP reale parashikohet të rritet me 7.5% në vlerësimin për vitin 2021. “Përgjigjja fiskale ndaj pandemisë siguroi rrugë shpëtimi për familjet dhe firmat, si dhe zbuti ndikimin nga goditja tek ata që u prekën më shumë nga pandemia.
