Nis modernizimi i bazes ajrore ne Kucove, rriten pagat per forcat e armatosura
Ka nisur puna në terren për modernizimin e bazës ajrore në Kuçovë, për ta shndërruar atë në një bazë të dislokueshme, taktike të NATO-s.
I pranishëm në ceremoni ishte edhe kryeministri Edi Rama, i cili tha se shndërrimi i kësaj baze ajrore është një mundësi për forcat e armatosura në ngritjen e kapaciteteve kombëtare dhe modernizimin e forcave ajrore.
Po ashtu, Rama shpalosi planet për rritjen e pagave të forcave të armatosura, duke synuar arritjen e nivelit të vendeve të tjerë që janë anëtarë të të NATO-s.
Ndërkaq, sipas ministrit të Mbrojtjes, Niko Peleshi, punimet për bazën ajrore do ë ndikojnë edhe në drejtim të punësimit të banorëve të zonës, si dhe rritjen e e investimeve përreth.
Projekti konsiderohet nga qeveria shqiptare si tejet i rëndësishëm jo vetëm për sigurinë tonë kombëtare, por edhe për sigurinë rajonale.
Ai parashikon përmirësimin e pistës, infrastrukturën për kontrollin dhe sigurinë e fluturimeve, rrugët lidhëse, si dhe mjetet e tjera ndihmuese./Burimi: SCAN
I pranishëm në ceremoni ishte edhe kryeministri Edi Rama, i cili tha se shndërrimi i kësaj baze ajrore është një mundësi për forcat e armatosura në ngritjen e kapaciteteve kombëtare dhe modernizimin e forcave ajrore.
