OBSH kerkon ndihme: 16 mld dollare te nevojshme per pandemine
OBSH ka thënë se edhe 16 miliardë dollarë duhen për të mbështetur shtetet me të ardhura të ulëta për të luftuar pandeminë e koronavirusit.
Sipas saj, ky buxhet është i nevojshëm për të furnizuar shtetet me vaksina, teste dhe ilaçe, përmes një programi të lancuar nga Kombet e Bashkuara. “Shkenca na ka dhënë mjetet për të luftuar COVID-19;
nëse ato ndahen në botë në shenjë solidariteti, ne mund t’i japim fund koronavirusit si emergjencë globale këtë vit”, ka thënë shefi i OBSH, Tedros Adhanom Ghebreyesus. Sipas kalkulimeve të OKB, 92% e kontributeve të kërkuara, duhet të sigurohen nga BE dhe 20 shtetet më të industrializuara në botë (G20).
Gordon Brown, ambasador i OBSH-së për financim në shëndetin publik, ka kritikuar pabarazinë e madhe në shpërndarjen e vaksinave dhe qasjen në teste dhe ilaçe.
Ai ka theksuar se në vendet e varfra ka shkallë të ulët të vaksinimit, ndërkohë që në shtetet e pasura ka vaksina që pritet t’iu skadojë afati. OBSH ka vënë synim që 70 për qind e popullsisë botërore të vaksinohet kundër koronavirusit në mesin e këtij viti./Burimi: Balkanweb
Sipas saj, ky buxhet është i nevojshëm për të furnizuar shtetet me vaksina, teste dhe ilaçe, përmes një programi të lancuar nga Kombet e Bashkuara. “Shkenca na ka dhënë mjetet për të luftuar COVID-19;
