Autoriteti Rrugor Shqiptar shpall tenderin per 17 akset qe do te pajisen me sensore
Autoriteti Rrugor Shqiptar do të vendosë sesnorë për matjen e trafikut në gjithë vendin dhe saktësisht në 17 akse. Tashmë ky institucion ka shpallur edhe procedurën e prokurimit me një vlerë 53 milionë lekë pa TVSH duke pritur që operatorët e interesuar të paraqesin dokumentacionin e nevojshëm brenda datës 12 nëntor.
Po cilat do të jenë akset që do të monitorohen për trafikun që kanë. E para është Tiranë-Vorë dhe konkretisht parashikohet që sensorët të montohen diku tek Kthesa e Mamzës dhe tek Mbikalimi i Rinasit, Një aks tjetër është ai i By pass-it të Shkozetit.
Në listë është edhe aksi Klos-Bulqizë apo Plepa-Rrogozhinë e me radhë disa nga rrugët më të rëndësishme në vend. Në dokumentin e njoftimit të kontratës sqarohet se qëllimi i saj është krijimi i një baze të dhënash të saktë si dhe përpunimine tyre për të pasur raporte të sakta mbi kohën dhe llojin e mjeteve që përdorin një rrugë të caktuar. Në fakt një bazë e tillë të dhënash jep edhe një informacion më shumë për autoritetet nëse në të ardhmen do të duan të kalojnë tek privati me koncension mirëmbajtjen dhe operimin e ndonjë aksi.
Aktualisht matja e trafiut në vend bëhet me 6 pajisje portative që disponohen nga Autoriteti Rrugor Shqiptar që janë që nga viti 2000. Problemi që shfaqet sot është që matja e trafikur nuk mund të bëhet për një periudhë më të gjatë se dy javore ndërkohë që pajisjet kanë herë pas here defekte që lidhen me këputjen e sensorëve peumatikë për shkak të makinerive të tonazhit të lartë.
Po kështu këto pajisje shfaqin edhe dy problem të tjera siç është limitimi në matjen e numrit të automjeteve, deri në 10,000 automjete në 24 ore. Për një numër më të madh automjetesh informacioni nuk është i saktë dhe i besueshëm. Pajisjet aktuale nuk bëjnë dot kategorizim të automjeteve dhe evidentim të shpejtësisë pasi nuk e suporton teknologjia që i përkasin.
Lista me asket ku do të vendosen sensorë: 1. Tirane - Vorë(2) 2. By Pass i Shkozetit 3. Klos - Bulqizë 4. Plepa – Rrogozhinë (2) 5. Rrogozhinë – Lushnje (2) 6. Lushnje – Fier (2) 7. Fier – Vlorë (2) 8. Levan - Tepelenë 9. Vorë – Fushë Krujë 10. Fushë Krujë – Milot (2) 11. Milot – Lezhë 12. Lezhë - Shkodër 13. Ura Vajgurore - Berat 14. Skuraj - Kukës (2) 15. Kamëz – Fushë Krujë 16. Rrogozhinë - Elbasan 17. Elbasan - Librazhd
Autoriteti Rrugor Shqiptar do të vendosë sesnorë për matjen e trafikut në gjithë vendin dhe saktësisht në 17 akse. Tashmë ky institucion ka shpallur edhe procedurën e prokurimit me një vlerë 53 milionë lekë pa TVSH duke pritur që operatorët e interesuar të paraqesin dokumentacionin e nevojshëm brenda datës 12 nëntor.
