TAP, Bradshaw: Faza e ndertimit te tubacioneve ne Shqiperi nis ne 2016

Të gjitha aktivitetet që lidhen me tokat ku do të ndërtohet Gazsjellësi Trans Adriatik (TAP) që kalon nëpër Shqipëri, pritet të fillojnë vitin e ardhshëm, ndërsa objekti në det të hapur mendohet se do të zhvillohet në dimrin e 2017-2018. 

Ian Bradshaw , drejtori menaxhues i kompanisë së projektit TAP AG tha : “TAP vazhdon të përparojë sipas planifikimit në Shqipëri. Rehabilitimi dhe ndërtimi i rrugëve dhe urave është duke u zhvilluar. Kjo do të lejojë që ndërtimit të tubacionit të fillojë në vitin 2016, siç është planifikuar. TAP ka për qëllim dhënien e disa kontratave të mëdha deri në fund të vitit 2015, duke përfshirë edhe ato në tokë dhe linjat në det të hapur”.

Në Shqipëri, TAP ka filluar në qershor ndërtimin e rrugëve dhe urave, për të cilat projekti tashmë ka marrë lejet përfundimtare të ndërtimit. Kompania pret që të sigurojë lejet e ngjashme për një numër të ri rrugësh hyrëse dhe urave. Në të njëjtën kohë  pritet  miratimi i lejeve për objektet e përkohshme të tilla si: kampet dhe oborret.

Në shtator, Siemens AG është përzgjedhur për të furnizuar gjashtë turbinë me gaz në stacionin e kompresorit TAP-it pranë Kipoi dhe gjysmën tjetër në stacionin e kompresorit TAP-it afër Fierit, në Shqipëri. Ndërtimi i stacionit të kompresorëve të TAP-it në Fier do të jetë një aktivitet i vazhdueshëm për një periudhë prej 20 muajsh. Ndërtimi pritet të fillojë deri në fund të vitit 2016.
TAP do të transportojë gaz natyror nga fusha gjigante e Shah Deniz II në Azerbajxhan për në Europë. Gazsjellësi me gjatësi prej rreth 870 km do të lidhet me Gazsjellësin Trans Anatolian (TANAP) në afërsi të kufirit turko-grek në Kipoi, do të përshkojë Greqinë, Shqipërinë dhe Detin Adriatik dhe do të dalë përsëri në tokë në Italinë e Jugut.

Gjurma e TAP mund të lehtësojë furnizimin me gaz të disa vendeve të Europës Juglindore, përfshirë Bullgarinë, Shqipërinë, Bosnjë- Hercegovinën, Malin e Zi, Kroacinë, si dhe vendet e tjera. Vend-dalja e TAP në Itali ofron mundësi të shumta për transportin e mëtejshëm të gazit Kaspik, drejt disa prej tregjeve më të mëdha europiane, si Gjermania, Franca, Mbretëria e Bashkuar, Zvicra dhe Austria.Aksionarët e TAP-it përbëhet nga BP (20 për qind), SOCAR (20 për qind), Fluxys (19 për qind), ENAGAS (16 për qind) dhe Axpo (5 për qind), ndërsa kanë hequr dorë Norvegjezët e Statoil që zotëronin 20 për qind të kuotave.

Më të lexuarat