Rusia lejon korridoret humanitare ne 2 qytete te Ukraines, ja rregullat
Ministria ruse e mbrojtjes thotë se korridoret humanitare do të hapen në orën 10:00 me orën e Moskës ditën e sotme në qytetet Mariupol dhe Volnovakha.
“Sot, 5 mars, nga ora 10 e mëngjesit me orën e Moskës, pala ruse shpall një regjim armëpushimi dhe hap korridoret humanitare për daljen e civilëve nga Mariupol dhe Volnovakha”, tha ministria në një deklaratë.
Korridoret humanitare dhe rrugët e daljes janë rënë dakord me palën ukrainase. Këshilli i qytetit të Mariupol njofton se armëpushimi do të zgjasë nga ora 09:00-16:00 me orën lokale, ndërsa evakuimi i civilëve do të fillojë në orën 11:00 me orën lokale.
Rruga e korridorit është nga Mariupol në Zaporizhzhia, një qytet në perëndim. Autobusët do të nisen nga tre lokacione në qytet dhe transporti privat do të lejohet gjithashtu të udhëtojë përgjatë itinerarit të dhënë. Udhëtimi larg itinerarit të rënë dakord është rreptësisht i ndaluar/Burimi; Shqiptarja.com
“Sot, 5 mars, nga ora 10 e mëngjesit me orën e Moskës, pala ruse shpall një regjim armëpushimi dhe hap korridoret humanitare për daljen e civilëve nga Mariupol dhe Volnovakha”, tha ministria në një deklaratë.
