Sanksionet ndaj Rusise, BE miraton paketen e katert

BE ka miratuar paketën e katërt të sanksioneve, duke përfshirë ngrirjen e aseteve dhe ndalimin e udhëtimit të Roman Abramovich.

Sanksionet përfshijnë:

–Ndalimin e importit për një sërë produktesh çeliku.

-Ndalimin e investimeve të reja në të gjithë sektorin energjetik rus, me përjashtime të kufizuara për energjinë bërthamore dhe transportin e produkteve të caktuara energjetike në BE.

-Ndalimin e eksportit për mallrat luksoze (p.sh. makina luksoze, bizhuteri) me vlerë mbi 300 €.

-Ndalimin e vlerësimit të Rusisë dhe kompanive ruse nga agjencitë e vlerësimit të kredisë së BE, gjë që do të rezultonte në humbjen e aksesit të mëtejshëm në tregjet financiare të BE.

“Ndërsa lufta e Presidentit Putin kundër popullit ukrainas vazhdon, po ashtu vazhdon vendosmëria jonë për të mbështetur Ukrainën. Kjo paketë e katërt sanksionesh është një tjetër goditje e madhe për bazën ekonomike dhe logjistike mbi të cilën mbështetet Rusia për të kryer pushtimin e Ukrainës.

Qëllimi i sanksioneve është që Presidenti Putin të ndalojë këtë luftë çnjerëzore dhe të pakuptimtë, tha Josep Borrell, kreu i punëve të jashtme të BE./Burimi: abcnews.al

Më të lexuarat