OSBE vlereson zgjedhjet e 6 Marsit, arritje e rendesishme per Shqiperine
Teksa ditën e djeshme u certifikua rezultati final nga KQZ dhe u mandatuan kryebashkiakët e dalë nga zgjedhjet e 6 marsit, vjen një reagim nga OSBE në Tiranë.
Përmes një reagimi, OSBE thekson se për herë të parë në historinë 30-vjeçare të proceseve zgjedhore pluraliste, rezultati i zgjedhjeve u certifikua pa asnjë kontestim. “Një gur kilometrik i rëndësishëm për zgjedhjet në Shqipëri u arrit sot.
Për herë të parë në historinë 30-vjeçare të proceseve zgjedhore pluraliste, rezultati i zgjedhjeve u certifikua pa asnjë kontestim. Prezenca e OSBE përgëzon administratën zgjedhore dhe partitë politike për këtë zhvillim domethënës, i cili vërteton edhe një herë profesionalizmin e KQZ.
Ne kemi besim se ata do ta ruajnë këtë arritje të rëndësishme, pasi qytetarët shqiptarë meritojnë zgjedhje ku çdo votë respektohet. Sikurse tha Komisioneri Celibashi, ka ende shumë për të bërë për të rritur integritetin e procesit zgjedhor dhe për të garantuar standardet ndërkombëtare të zgjedhjeve.
OSBE-ja qëndron e gatshme të kontribuojë në reformën zgjedhore dhe mbetet partnerja kryesore e KQZ-së në përpjekjet për zgjedhje gjithnjë e më të mira.”, -thuhet në reagimin e OSBE-së./Burimi: Balkanweb
Përmes një reagimi, OSBE thekson se për herë të parë në historinë 30-vjeçare të proceseve zgjedhore pluraliste, rezultati i zgjedhjeve u certifikua pa asnjë kontestim. “Një gur kilometrik i rëndësishëm për zgjedhjet në Shqipëri u arrit sot.
