Gjermania ul pritshmerite per rritjen ekonomike, paralajmerim per energjine
Pritshmëritë për një zgjerim të ekonomisë prej 4.6 për qind këtë vit janë ulur në 1.8% pas pushtimit rus të Ukrainës.
Ekziston frika se konflikti do të godasë rëndë ekonominë e Gjermanisë, pasi ajo përpiqet të kufizojë varësinë nga gazi rus. Gjermania uli të mërkurën parashikimin e saj të rritjes për 2022 në kushtet e pushtimit të Ukrainës dhe shqetësimeve në rritje për furnizimet dhe çmimet e energjisë.
Paneli i këshilltarëve të pavarur ekonomikë të qeverisë federale ka parashikuar se prodhimi i brendshëm bruto (PBB) i Gjermanisë do të rritet me vetëm 1.8% këtë vit. Ekonomia më e madhe e Europës kishte shpresuar të fillonte rimëkëmbjen e saj pas 2 vitesh në pandemi.
Në nëntor, paneli këshillimor parashikoi një rritje të prej 4.6% për 2022, por ekonomia tashmë është ndikuar nga lufta që Rusia i shpalli fqinjit të saj. Vitin e kaluar, PBB e Gjermanisë u rrit me 2.8%, por në tremujorin e fundit të 2021 u tkurr me 0.7%, krahasuar me tremujorin e mëparshëm.
“Lufta e Rusisë kundër Ukrainës dhe çmimet e energjisë po përkeqësojnë në mënyrë drastike perspektivën ekonomike,” tha paneli në raportin e tyre.
Gjermania jep paralajmërim për energjinë
Pak përpara se ekonomistët të publikonin parashikimin e tyre, Gjermania lëshoi një paralajmërim në lidhje me gazin natyror mes shqetësimeve se Rusia mund të ndërpresë furnizimet nëse nuk paguhet në rubla.
Ministri gjerman i Ekonomisë Robert Habeck u bëri thirrje bizneseve dhe individëve që të përpiqen të reduktojnë konsumin e tyre të energjisë sa më shumë që të jetë e mundur, ndërsa vendi përpiqet të kufizojë varësinë e tij nga gazi rus./Burimi: DW
Ekziston frika se konflikti do të godasë rëndë ekonominë e Gjermanisë, pasi ajo përpiqet të kufizojë varësinë nga gazi rus. Gjermania uli të mërkurën parashikimin e saj të rritjes për 2022 në kushtet e pushtimit të Ukrainës dhe shqetësimeve në rritje për furnizimet dhe çmimet e energjisë.
