Inputet bujqesore u rriten, pritet dyfishim i cmimit te produkteve vendase

Çmimet e rritura të inputeve bujqësore dhe plehrave kimike, do reflektohen në prodhim më të shtrenjtë në treg për konsumatorët.

Kryetari i Shoqatës AFADA, Agim Rameta, saqaron se për shkak të luftës Rusi-Ukrainë dhe luhatjes së bursës, plehrat kimikë si ureja, dapi dhe nitrati që janë kryesoret në bujqësi, kushtojnë shumë më shtrenjtë për fermerët, gjë që do të sjellë deri në dyfishim të çmimeve të prdoukteve vendase si fruta, perime, zarzavate etj.

Ndërkohë, në rastet kur ka mbiprodhim gjë që ndodh zakonisht në kulmin e sezonit, këtë kosto të rritur mund ta mbajnë mbi “shpinë” fermerët, duke dalë edhe me humbje.

Në këto kushte kreu i AFADA kërkon ndërhyrjen e Ministrisë së Bujqësisë, përmes subvencinimit të fermerit në prodhim, në mënyrë që t’i lehtësohen kostot e shtuara./Burimi: SCAN

Më të lexuarat