Paralizohet puna ne Portin e Durresit, deti sot deri ne 7 balle

Autoriteti Portual Durrës ka informuar mbi situatën e motit, i cili ka paralizuar lëvizjen e trageteve dhe anijeve.

Sipas AP, mëngjesin e sotëm vijon prezenca e kushteve të paqëndrueshme atmosferike, duke ndikuar në veprimtarinë përpunuese në Portin e Durrësit.

Tragetet ndodhen të akostuara në Terminal, pa mundur të nisen nga të dyja anët e Adriatikut.

Anijeve të tonazhit të ulët u është pezulluar përkohësisht dalja në det, deri në një urdhër të dytë të Kapitenerisë së Portit.

4 anije tregtare ndodhen të akostuara në kalatat portuale, në pritje të përmirësimit të kushteve të motit, për të vijuar procesin e përpunimit.

Forca e erës shënon 10-11 m/s, ndërsa forca e detit deri në 7 në det të hapur. Autoritet detare, Autoriteti Portual Durrës dhe MIE vijojnë monitorimin e situatës minutë pas minuti, për shmangien e avarive detare deri në rikthimin në normalitet të situatës./Burimi: Balkanweb

Më të lexuarat