Shqiperia behet me TEC-e lundruese: 2 anije do prodhojne energji, detajet

Ministrja e Infrastrukturës dhe Energjisë Belinda Balluku, në mbledhjen e zhvilluar në Komitetin e Energjisë zbuloi marrëveshjen e arritur për sigurinë energjetike.

Gjatë fjalës së saj, ministrja tha se në triport në Vlorë do të ankorohen dy anije prodhuese të energjisë elektrike të cilat janë marrë me qira dhe do të qëndrojnë deri sa TEC-i të vendoset në punë.

Sipas saj këto anije do të sigurojnë një pavarësi energjetike dhe gjatë verës, ndërsa theksoi se kjo marrëveshje është arritur në mbështetje me SHBA.

“Kemi arritur marrëveshje për të marrë me qira dhe për të ankoruar në Triport në Vlorë dy anije prodhuese të energjisë elektrike deri sa TEC-i të vendoset në punë.

Janë termocentrale lundruese dhe kjo është arritje sepse do të garantojë një pavarësi energjetike edhe gjatë verës”, tha Balluku./Burimi: Balkanweb

Më të lexuarat